Արգենտինայի և Բրազիլիայի ֆուտբոլի հավաքականները հունիսի 9-ին ընկերական հանդիպում կանցկացեն Նյու Ջերսիում, հաղորդում է ՌԻԱ Նովոստին՝ հղում անելով Ռոյթեր գործակալությանը:
Քանի որ հանդիպումը տեղի է ունենալու Եվրոպայի ֆուտբոլի առաջնության ժամանակ, երկու հավաքականների մարզիչները կարող են իրենց թիմերի կազմում ընդգրկել եվրոպական առաջնություններում հանդես եկող ֆուտբոլիստներին: Այսպիսով, հանդիպմանը կարող է մասնակցել 2011 թ.-ի «Ոսկե գնդակի» մրցանակակիր Լիոնել Մեսին:
Վերջին անգամ արգենտինացիներն ու բրազիլացիները ուժերը չափել են նախորդ տարվա սեպտեմբերին, այն ժամանակ 2:0 հաշվով հաղթանակ է տարել Բրազիլիայի հավաքականը:-0-
