Իռլանդիա-Հայաստան ֆուտբոլային հանդիպումը կհեռարձակվի Երևանի կենտրոնում տեղադրված մեծ էկրանից

ԵՐԵՎԱՆ, 10 հոկտեմբերի. /Նովոստի-Արմենիա/. Երևանի բնակիչները և հյուրերը կարող են դիտել Եվրո 2012-ի ընտրական փուլի շրջանակներում հայկական ֆուտբոլային հավաքականի համար իռլանդացիների հետ վճռորոշ խաղը Երևանի կենտրոնում տեղադրված էկրանից, հայտնել է Երևանի քաղաքապետ Կարեն Կարապետյանը Facebook-ի իր էջում:

«Եկեք բոլորս միասին ոգեշնչենք մեր հավաքականին և հավատանք մեր մասնակցությանը EURO 2012-ի եզրափակիչ փուլին»,- նշել է քաղաքապետը:

Հայ ֆուտբոլիստներն ուրբաթ օրը 4:1 հաշվով տապալեցին մակեդոնացիներին և պահպանեցին խմբից դուրս գալու լավ հնարավորությունները: Նրանք 17 միավոր հավաքեցին և ունեն դարպաս ուղարկած ու բացթողած գնդակների լավագույն տարբերությունը՝ 21:8: 20 միավոր է հավաքել խմբի առաջատար Ռուսաստանը, և 18 միավոր ունի երկրորդ տեղում գտնվող Իռլանդիան:
Հայաստանի հավաքականը հոկտեմբերի 11-ին արտագնա հանդիպում կունենա իռլանդացիների հետ: Հաղթանակի դեպքում հայ ֆուտբոլիստները կզբաղեցնեն երկրորդ տեղը և դուրս կգան պատասխան հանդիպումների: -0-