Թենիսիստ Նալբանդյանը երկու մրցաշար բաց կթողնի ոտքի վնասվածքի պատճառով
20.04.2010,
12:24
Թենիսիստ Նալբանդյանը երկու մրցաշար բաց կթողնի ոտքի վնասվածքի պատճառով
Արգենտինացի թենիսիստ Դավիթ Նալբանդյանն առաջիկա երկու մրցաշարը բաց կթողնի ծնկատակի ջլի վնասվածքի պատճառով, տեղեկացնում է ՌԻԱ Նովոստին՝ հղում անելով Ասոշիէյթիդ Պրեսին։
Ինչպես երկուշաբթի հայտարարել է արգենտինացու ներկայացուցիչ Բեռնարդո Բալյերոն, Նալբանդյանը չի մասնակցի Բարսելոնում և Հռոմում կայանալիք «Մասթերս» շարքի մրցումներին։ Ըստ նրա, մարզիկին մոտ 15 օր կպահանջվի ոտքի վնասվածքի վերականգնման համար։ Ակնկալվում է, որ նա կկարողանա մասնակցել մայիսի 9-ին Մադրիդում մեկնարկող մրցաշարին։
Գրեթե ողջ նախորդ մրցաշրջանը Նալբանդյանը ստիպված է եղել բաց թողնել ազդրի վնասվածքի և վիրահատության պատճառով։ -0-