Հայաստանի ֆուտբոլի ֆեդերացիայի նախագահը երկրպագուներին կոչ է արել զուսպ պահել իրենց

ԵՐԵՎԱՆ, 7 օգոստոսի./Նովոստի-Արմենիա/. Հայաստանի ֆուտբոլի ֆեդերացիայի նախագահ Ռուբեն Հայրապետյանը կոչ է արել հայ երկրպագուներին զուսպ պահել իրենց պաշտոնական միջազգային հանդիպումների ժամանակ և օրինախախտ գործողություններ չկատարել։

Նրա խոսքերով, երկրպագուների գործողությունների պատճառով հանրապետությունում կարող է կարգազրկվել միակ մարզադաշտը, որտեղ անցկացվում են միջազգային հանդիպումները, այսինքն՝ Վազգեն Սարգսյանի անվան հանրապետական մարզադաշտը։

«Երկրպագուների արարքների պատճառով մենք կարող ենք զրկվել միակ մարզադաշտից, որտեղ անցկացվում են պաշտոնական միջազգային հանդիպումները»,- ասաց Հայրապետյանը երեքշաբթի մամլո ասուլիսի ժամանակ։

Նա նաև հայտարարեց, որ պետք չի չափից դուրս մեծ դժգոհություն հայտնել ֆուտբոլային հանդիպումների ժամանակ ոստիկանների գործողություններից։ «Ոստիկանության աշխատակիցները ապահովում են մեր քաղաքացիների անվտանգությունը, և առանց նրանց հնարավոր չի լինի մարզադաշտերում կարգ ու կանոն պահպանել»,- ասաց Հայրապետյանը։ --0—