ԵՐԵՎԱՆ, 5 ապրիլի․/Նովոստի–Արմենիա/․ Իտալական «Յուվենտուս» ֆուտբոլային ակումբը Հայաստանում ակադեմիա կբացի (Juventus Academy Armenia)։
Այս մասին նշվում է Juventus–ի Facebook–յան պաշտոնական էջում։
«Հայաստանը միանում է «Յուվենտուս»-ի ակադեմիայի նախաձեռնությանը: Սկսում ենք արտագնա միջոցառումներն առաջիկա մարզական մրցաշրջանում»,-նշվում է ակումբի հաղորդագրության մեջ:
Juventus Academy Armenia–ի տարածած հաղորդագրության մեջ նշվում է, որ հայկական կողմը ևս ակտիվ մարզական գործունեության է պատրաստվում առաջիկա մրցաշրջանում:
Juventus–ն իտալական պրոֆեսիոնալ ֆուտբոլային ակումբ է Թուրինից, այն աշխարհի ամենահին, ամենատիտղոսակիր և ուժեղագույն ակումբներից մեկն է։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
