ԵՐԵՎԱՆ, 9 օգոստոսի./Նովոստի–Արմենիա/. Հարձակվող Լիոնել Մեսսին նախօրեին մամուլի ասուլիսի ժամանակ խոսել է կարիերան ՊՍԺ-ում շարունակելու հավանականության մասին, հաղորդում է armsport–ը։
«ՊՍԺ տեղափոխությունը հնարավոր է։ Այս պահին ոչ մի համաձայնություն չկա։ Երբ դիմումը եղավ, շատ զանգեր ստացա։ Մի քանի հետաքրքրված ակումբ կա։ Դեռ ոչինչ որոշված չէ, բանակցություններ ենք վարում»,- Մեսսիի խոսքերն է փոխանցում Marca-ն։
Հիշեցնենք, որ օգոստոսի 6–ին հայտնի դարձավ, որ Մեսսին հեռանում է «Բարսելոնայից»։ -0-