ԵՐԵՎԱՆ, 8 հունիսի․ /Նովոստի-Արմենիա/․ Ռուսաստանի Կրասնոդար քաղաքում երկու հայ երիտասարդ իջեցրե են պատուհանագոգին նստած 2-ամյա երեխային։
«Պետք չէ մեր մասին գրել, մենք հերոսնեչ չենք»,- ամաչելով ասել է Կրասնոդարի 30-ամյա բնակիչ Ռաֆիկ Չալուկյանը։ Հենց նա է իր 35-ամյա եղբոր՝ Արթուր Սահակյանի հետ օգնության հասել 2-ամյա փոքրիկին, ով նստած է եղել երկրորդ հարկի պատուհանագոգին։ Այս մասին հայտնում է kp.ru-ն։
Երիտասարդները փողոցով անցնելիս են եղել, երբ տեսել են, որ այնտեղ մարդիկ են հավաքված։ Ռաֆիկ Չալուկյանը պատմել է, որ իրենք սկզբում չեն հասկացել, թե ինչ է պատահել։ Հետո, երբ մոտեցել են, տեսել են, որ երեխան նստած է պատուհանագոգին։ Փոքրիկի հագին միայն տակդիր է եղել և նա հանգիստ նայել է անցորդներին։
Տան դուռը թակել են, կանչել են, սակայն տնից ոչ մի արձագանք չի եղել։ Հարևանները մտածել են, որ տանը մեծահասակներից ոչ ոք չկա։
Загружается новость ... "Лево"
Մինչ մարդիկ զայրացած հետևել են տեղի ունեցածին, երկու երիտասարդները որոշել են գործել։ Արթուրը վազել է շենքի բակ և այնտեղ ինչ-որ մարդուց աստիճան է վերցրել։ Նա դրել է աստիճանը և բարձրացել երկրորդ հարկ։ Աստիճանի երկարությունը չի բավարարել երեխային հասնելու համար, սակայն առաջին հարկում խանութ է եղել, որը ծածկ է ունեցել։ Երիտասարդը կանգնել է այդ ծածկի վրա և գրկել երեխային։ Փոքրիկը չի վախեցել և չի լացել։
Արթուրը երեխային փոխանցել է եղբորը, ով իջել է աստիճանից։ Նրան միանգամից մոտեցել են այնտեղ հավաքված կանայք, ովքեր երեխային փաթաթել են շորերի մեջ։
Պարզվել է, որ տանը, այնուամենայնիվ, մեծահասակ է եղել։ Երեխայի 22-ամյա մայրն այնքան խորն է քնած եղել, որ չի նկատել, թե ինչպես է երեխան դուրդ եկել պատուհանից։ Նա նաև չի լսել դռան թակոցն ու զանգերը։ Երեխայի հայրն այդ ժամանակ աշխատանքի է եղել։-0-