ՌԴ ԱՆ–ն խորհուրդ է տվել դեղորայք կորոնավիրուսի բուժման համար

ԵՐԵՎԱՆ, 30 հունվարի./Նովոստի–Արմենիա/. ՌԴ Առողջապահության նախարարությունը հրապարակել է կորոնավիրուսի բուժման համար դեղորայքի ցանկը, որում ներառվել են ՄԻԱՎ –ի, հեպատիտ C–ի և ցրված սկլերոզի բուժման համար նախատեսված դեղեր, հաղորդում է Ինտերֆաքս–ը։

Մասնավորապես, առաջարկվում է «չինական վիրուսի» բուժել այնպիսի դեղերով, ինչպիսիք են Ռաբավիրինը, բետա 1բ ռեկոմբինատ ինտերֆերոնը և Լոպինավիրը/Ռիտոնավիրը։ Նշվում է, որ Ռաբավիրինն օգտագործում են հեպատիտ C–ի բուժման համար, երկրորդը նվազեցնում է ցրված սկլերոզով տառապող հիվանդների մոտ սրացումների հաճախականությունն ու ծանրությունը։ Վերջին դեղը կիրառվում է ՄԻԱՎ–ի բուժման ժամանակ։

 Ավելի վաղ Ռուսաստանի գիտությունների ակադեմիայի նախագահության անդամ Գենադի Օնիշչենկոն հաղորդել է, որ մոտ 30 դեղամիջոց աշխատում է Չինաստանում գրանցված նոր կորոնավիրուսի դեմ, դրանցից 12–ն այն դեղամիջոցներն են, որոնցով մենք բուժում ենք ՄԻԱՎ–ը։ Մենք այդ դեղամիջոցները տալիս ենք ՄԻԱՎ–ով վարակված մեր երեխաներին` կանխարգելման համար, այդ դեղամիջոցներից են «Ինդինավիրը», «Սակվինավիրը»։ 

 «Այս բոլոր դեղամիջոցները, Փառք Աստծուն, աշխատում են կորոնավիրուսի դեմ»,- նշել է նա։

Միաժամանակ, ՌԴ առողջապահության նախարարությունը և Ռոսպոտրեբնադզորը խորհուրդ են տվել հիվանդների հետ շփումից հետո անցկացնել դեղորայքային և պրոֆիլատկիկ բուժում։ Այն անհրաժեշտ է անցկացնել առաջին 48 ժամվա ընթացքում։ Նման պրոֆիլակտիկայի նշանակման ժամկետները սահմանվում են ենթադրվող ինկուբացիոն ժամանակահատվածում (14 օր)` վարակի աղբյուրի հետ վերջին շփման պահից սկսած։

 Ռոսպոտրեբնադզորի տվյալների համաձայն, հունվարի 30–ին Ռուսաստանի տարածքում ՉԺՀ–ի նոր կորոնավիրուսով վարակման դեպք չի գրանցվել։ Ստուգվել են ՍՇՎ–ով 184 հիվանդներ։

 ՉԺՀ–ի Առողջապահության պետական կոմիտեի վերջին տվյալների համաձայն, Չինաստանում գրանցվել է նոր կորոնավիրուսով վարակման 711 հաստատված դեպք։ Հիվանդների ամենամեծ թիվը գրանցվել է Հուբեյ նահանգում (4 587 մարդ)։–0–