Պոզներ. «Ես ինձ բացարձակ հրեա չեմ զգում»

ԵՐԵՎԱՆ, 1 հունիսի. /Նովոստի–Արմենիա/. Հեռուստահաղորդավար Վլադիմիր Պոզներն ասել է, որ իրեն բացարձակ հրեա չի զգում։ Այդ մասին, ինչպես գրում է Lenta.ru–ն, լրագրողնը պատմել է իր պաշտոնական բլոգում։

«Ես ինձ բացարձակ հրեա չեմ զգում, ես ինձ ավելի շատ ֆրանսիացի կամ նույնիսկ ամերիկացի եմ զգում։ Այդ իսկ պատճառով ասել, որ դա ինչ խանգարել կամ օգնել է, ոչ, դա ինձ վրա ընդհանրապես ոչ մի կերպ չի ազդել»,– նշել է նա։


Պոզներն ընդգծել է, որ հուդակայանության համաձայն, մայրը պետք է հրեա լինի, բայց իր մայրը ֆրանսիացի կաթոլիկ է։ «Այնուամենայնիվ, իմ ազգանունը Պոզներ է, և դա Լեհաստանի Պոզնան քաղաքի հրեաների ազգանուն է, այնտեղից, հորս կողմից, եղել են մարդիկ, ովքեր Ռուսաստան են տեղափոխվել»,– ասել է հաղորդավարը։

Պոզների խոսքով, եղել է ժամանակ, երբ ինքն ամաչել է իր ազգանունից, որովհետև Ռուսաստանում հակասեմականությունը շատ ուժեղ էր։ «Այսօր ավելի քիչ։ Փառք Աստծուն, դա անցել է, և ես բացարձակ չեմ ամաչում դրանից»,– ավելացրել է լրագրողը։

85–ամյա Պոզներն ավելի վաղ ասել է, որ ծերությունն իրեն հեշտ է տրվում, քանի որ ինքն իրեն լավ է զգում, բայց նշել է հասարակության բացասական վերաբերմունքը տարեցների նկատմամբ։ -0-