«Միասին մինչև վերջ». Քիմ Քարդաշյանն ու Քանյե Ուեսթը տոնում են ամուսնության 6-ամյակը (ՖՈՏՈ)
ԵՐԵՎԱՆ, 25 մայիսի./Նովոստի-Արմենիա/. Ամերիկահայ հեռուստաաստղ Քիմ Քարդաշյանը և աշխարհահռչակ երաժիշտ Քանյե Ուեսթը նախօրեին տոնել են ամուսնության 6-ամյակը:
«6 տարի անցավ. միասին մինչև վերջ»,- գրել է Քիմը Instagram-ում հրապարակած ռոմանտիկ լուսանկարին կից:
Աշխարհի ամենաառանձնահատուկ զույգն այս 6 տարվա ընթացքում ոչ միայն զարմացրել և ցնցել է իր երկրպագուներին, այլև հասցրել ունենալ 4 երեխա: Նրանց սիրո պատմությունը միշտ մնում է մամուլի ուշադրության կենտրոնում և շարունակում առաջացնել սեր և նախանձ:
Մի փոքր նրանց սիրո պատմության մասին:
Քիմ ու Քանյեն ծանոթացել են 2004թ.-ին, երբ Քիմը դեռ իր առաջին ամուսնու հետ էր: Քանյեն հետագայում պատմել է, որ չէր կարողանում աչքը կտրել Փերիս Հիլթոնի հետ հանգստի ժամանակ Քիմի լուսանկարներից. «Այն ժամանակ հարցրեցի ընկերոջս. «Դու տեսե՞լ ես այդ աղջկան՝ Քին Քարդիժոնին»»:
2012թ.-ին Քիմն առաջին անգամ Քանյեին ներկայացրել է՝ որպես իր ընկեր, իսկ նույն թվականին դեկտեմբերին նրանք հայտարարել են, որ սպասում են իրենց առաջնեկին:
Մեկ տարի անց Քիմի և Քանյեի լուսանկարը հայտնվել է «Vogue» ամսագրի շապիկին, իսկ Քիմի մատին մեծ ադամանդով մատանի էր:
«Մենք Ռոմեո և Ջուլյեթն ենք, միայն թե նա ռեալիթի շոուի աստղ է, իսկ ես՝ ռեփեր»,- ասել է Քանյեն մեկ անգամ:
Իսկ որոշ ժամանակ անց Քիմ ու Քանյեն ամուսնանում են, նրանց հարսանեկան արարողությունն անցնում է Ֆորտ Բելվեդեր ամրոցում Ֆլորենցիայից ոչ հեռու, իսկ խնջույքը՝ Փարիզում: -0-
