Մարիա Շարապովան պատրաստվում է ամուսնանալ արքայազն Հարրիի ընկերոջ հետ (ՖՈՏՈ)

ԵՐԵՎԱՆ, 30 հունվարի./Նովոստի–Արմենիա/. Աշխարհի նախկին առաջին ռակետ Մարիա Շարապովան պատրաստվում է հարսանիքի։ Այս եզրահանգմանն են եկել նրա հետևորդները` Instagram–յան սթորիներում թենիսիստուհու մատին նկատելով նրա նշանադրության մատանին։ Խոշոր ադամանդով մատանին Շարապովան կրում էր անանուն մատին, հաղորդում է womanhit.ru–ն։

Հետևորդները համոզված են, որ նրա ընտրյալն Անգլիայի ամենացանկալի փեսացուներից է` բրիտանացի միլիարդատեր Ալեքսանդր Գիլկսը։

Հայտնի է, որ զույգը հանդիպում է արդեն երկու տարի։ 2018թ.–ի մայիսին Մարիան պաշտոնապես հաստատել է բիզնեսմենի հետ սիրավեպի մասին ուրերը։ Նշենք, որ 40–ամյա Գիլկսը «Paddle8» աճուրդային տան հիմնադիրն է և արքայազն Հարրիի մտերիմ ընկերը։

Նա լավ է վերաբերում Ռուսաստանին, տիրապետում է ռուսերենին, իսկ անցած տարվա հունվարին իր ընտրյալի հետ այցելել է Սանկտ Պետերբուրգ։ Բիզնեսմենը նախկինում ամուսնացած է եղել դիզայներ Միշա Նոնայի հետ, ում հետ հարաբերությունները տևել էին 13 տարի։

Վերջին շրջանում համացանցում լուրեր էին տարածվել, որ թենիսիստուհին հրաժարվել է Ռուսաստանի Հյուսիսային մայրաքաղաքում փետրվարին կայանալիք «St. Petersburg Ladies Trophy» մրցաշարին մասնակցելուց ոչ թե ուսի վնասվածքի պատճառով, այլ հարսանեկան խնջույքին ակտիվ պատրաստության, որին գնալով ավելի քիչ ժամանակ է մնում։ –0–