Խորհրդարանը քննարկում է ԿԲ նախագահի պաշտոնում Մարտին Գալստյանի թեկնածությունը
ԵՐԵՎԱՆ, 16 ապրիլի/Նովոստի-Արմենիա/․ ՀՀ ԱԺ-ն հինգշաբթի անցկացվող նիստի ժամանակ քննարկում է ԿԲ նախագահի պաշտոնում Մարտին Գալստյանի թեկնածությունը, հաղորդում է Armbanks ֆինանսաբանկային պորտալը։
Թեկնածությունն առաջարկել է «Իմ քայլը» խմբակցությունը, և հավանության արժանացել ֆինանսավարկային և բյուջետային հարցերի մշտական հանձնաժողովի կողմից։
Գալստյանի թեկնածությունը խորհրդարանին առաջարկել է խմբակցության անդամ և հանձնաժողովի նախագահի տեղեկալ Արտակ Մանուկյանը։
Մարտին Գալստյանը ծնվել է 1978թ․-ի մայիսի 4-ին։ 1994-1999թ․-ններին սովորել է ԵՊՀ-ի տնտեսագիտականա ֆակուլտետում, իսկ հետո ասպիրանտուրայում՝ 2003թ․-ին ստանալով տնտեսագիտության թեկնածուի աստիճան։ Դրանից հետո Գալստյանն ուսանել է Հարվարդի Համալսարանին կից գործող Ջոն Ֆ. Քենեդու անվան Կառավարման Դպրոցում՝ ստանալով Հանրային կառավարման մագիստրոսի կոչում։
Կենտրոնական բանկում Գալստյանը սկսել է աշխատել 1998թ․-ին, որտեղ նշանակվել է Ֆինանսական շուկաներում գործառնությունների վարչության միջազգային պահուստների կառավարման բաժնի պետ, իսկ հետո գլխավորել է վիճակագարության վարչությունը։ 2015թ․-ին նշանակվել է Դիլիջանի ուսումնահետազոտական կենտրոնի ղեկավար, իսկ 2018թ․-ից հանդիսանում է ԿԲ խորհրդի անդամ։
Գալստյանը նաև Համաշխարհային բանկում հանդիսանում է միջազգային խորհրդատու և դասախոս։ Դասավանդում է Հայաստանի Ամերիկյան համալսարանում։ 2015թ․-ին ճանաչվել է ՀԱՀ-ի լավագույն դասախոս։ Ներգրավված է հասարակական գործունեության մեջ և հանդիսանում է մի շարք մասնագիտական հրապարակումների հեղինակ։ Ամուսնացած է, ունի երեք զավակ։ -0-
