530.17
7.45
476.34
+11
Եղանակը Երևանում
Հայ

Հայտնի են «Ռոստելեկոմ»-ի աջակցությամբ իրականացվող Ռոբոտների համաշխարհային օլիմպիադայի հայաստանյան փուլի հաղթողները

16:14
17 Սեպտեմբերի 2018

ԵՐԵՎԱՆ, 17 սեպտեմբերի. /Նովոստի–Արմենիա/. Սեպտեմբերի 15-ին հայտնի դարձան Ռոբոտների համաշխարհային օլիմպիադայի (WRO) ազգային փուլի հաղթողները, հայտնում է «Ռոստելեկոմ»–ի մամուլի ծառայությունը։

Հաղթող են ճանաչվել «Արմ սայբեր քիդզ» (Arm Cyber Kids) թիմի կազմից Ինես և Աշոտ Գասպարյանները։

Ինչպես նշվում է ընկերության հաղորդագրության մեջ, ևս երկու թիմ արժանացան պատվոգրերի։ «Առաջին Կարգ» անվանակարգում պատվոգրի արժանացավ «Վիզ Քիդզ» (Whiz Kids) թիմը Երևանից, իսկ «Տարիքային խմբում լավագույն արդյունք» անվանակարգում` «Դուխով» թիմը Սյունիքի մարզից։

«Լինելով տեխնոլոգիական ընկերություն՝ «Ռոստելեկոմ»-ը շատ է կարևորում նման միջոցառումները, քանի որ երեխաների ուշադրությունն է կենտրոնացվում ռոբոտաշինության և մի շարք այլ պահանջված ու արդիական առարկաների շուրջ։ Հայաստանյան փուլի հաղթողները հնարավարություն կստանան մասնակցելու նաև միջազգային մրցաշարերին, ուր նրանք նոր փորձառություն և գիտելիքներ ձեռք կբերեն»,-նշեց «Ռոստելեկոմ» Հայաստանի գլխավոր տնօրեն Հայկ Ֆարամազյանը։

2018թօլիմպիադային մասնակցեց 12 թիմ Երևանից և մարզերից, իսկ հաղթող թիմը միջազգային ժյուրիի հաստատումը ստանալուց հետո հնարավոր է ներկայացնի Հայաստանը օլիմպիադայի միջազգային փուլի ընթացքում, որը տեղի կունենա նոյեմբերին Թայլանդում։

Այս տարի մրցույթն անցկացվում էր «Սնունդը կարևոր է» կարգախոսի ներքո, և մասնակից թիմերը պետք է ստեղծեին ռոբոտներ, որոնք կարող են օգնել նվազեցնելու սննդային թափոնները, հավաքել տարբեր ֆերմաների դաշտերի հողի որակի վերաբերյալ տվյալներ, կարգավորել նավերում առկա ջերմաստիճանն այնպես, որ սննդի փոխադրման ընթացքում արագ փչացող տարբեր սննդատեսակներ պահպանվեն անհրաժեշտ ջերմաստիճանային պայմաններում և այլն։

Հայաստանում օլիմպիադան անցկացվում է 2016թ.-ից և նպատակ ունի խթանելու ՀՀ դպրոցներում ռոբոտաշինության, ծրագրավորման ու ճարտարագիտության դասավանդումը, ընդ որում տարեցտարի ավելի մեծ թվով թիմեր են ցանկանում մասնակցել ամենամյա միջոցառմանը։

Հայաստանում մրցույթի պաշտոնական կազմակերպիչը հանդիսանում է «Այբ» կրթական հիմնադրամը։ 2018թ օլիմպիադայի հայաստանյան փուլի հովանավորն է «Ռոստելեկոմ» ընկերությունը։


Միջոցառման անցկացման վայրն «Այբ» դպրոցն էր, և ժամը 16։00-ից սկսած հյուրերը մասնակցեցին նաև նախատեսված ծրագրին՝ շրջայցին և ռոբոտների ցուցադրությանը ՖաբԼաբ-ում, լեգո խաղերին Mind Centre-ի և Whiz Code Academy-ի հետ, ազգային պարերի ուսուցմանը և հյուրասիրությանը։

Ռոբոտների համաշխարհային օլիմպիադայի (World Robot Olympiad, WRO) նպատակը ողջ աշխարհի երեխաներին և երիտասարդներին ռոբոտաշինության գաղափարի շուրջ միավորելն է և նրանց ստեղծարարությունը և նախագծելու ու խնդիրներ լուծելու հմտությունները զարգացնելը։
Մրցույթը ստեղծվել է 2004 թվականին։ Այսօր մրցույթին տարեկան մասնակցում է 6-25 տարեկան 60.000-ից ավելի երեխա և երիտասարդ՝ աշխարհի ավելի քան 60 երկրից:
Մրցույթի հայաստանյան փուլի պաշտոնական կազմակերպիչն է «Այբ» կրթական հիմնադրամը։

Թիմում մասնակիցների նվազագույն թիվը 2-ն է, առավելագույնը՝ 3-ը։ Թիմը պետք է ունենա մարզիչ, որը պետք է լինի առնվազն 20 տարեկան։ Թիմի մարզիչը չի կարող լինել թիմի անդամ։
Կարող են մասնակցել 6-19 տարեկան երեխաներն ու երիտասարդները։ Մասնակցության համար պարտադիր չէ որևէ կոնկրետ դպրոց ներկայացնել։ Թիմը կարող է ձևավորվել տարբեր դպրոցների աշակերտներից։ Թիմերը կարող են մրցել տարբր «կարգ»-երում (այս ընտրությունը կատարում են նախօրոք)․

• Սովորական մրցույթ
• «ՌՀՕ ֆուտբոլ» մրցույթ
• Բաց մրցույթ
• WeDo սովորական մրցույթ

Ինչպես է ընտրվում հաղթողը

Ռոբոտը երեք անգամ կատարում է առաջադրանքը։ Հաղթող է ճանաչվում առավելագույն միավոր հավաքած ռոբոտը։

«Ռոստելեկոմ» ԲԲԸ-ն (www.rostelecom.ru) Ռուսաստանի և Եվրոպայի հեռահաղորդակցության ոլորտի խոշորագույն և դինամիկ զարգացող ընկերությունների խումբ է, որը ծառայություններ է մատուցում ոլորտի բոլոր սեգմենտներում Ռուսաստանի ողջ տարածքով:
Ընկերությունը առաջատար դիրք է գրավում ինտերնետի հասանելիության և վճարովի հեռուստատեսության ծառայությունների ռուսաստանյան շուկայում. Ինտերնետ հասանելիության ծառայությունից օգտվողների թիվը գերազանցում է 10.9 մլն-ը, իսկ վճարովի հեռուստատեսությանը՝ 7.7 մլն-ը:

«Ռոստելեկոմ» ԲԲԸ-ն առաջատարն է ռուսաստանյան պետական կառույցների և բոլոր մակարդակների կորպորատիվ հաճախորդներին մատուցվող հեռահաղորդակցության ծառայությունների շուկայում:

Ընկերությունը առաջատար դիրքեր ունի նաև Էլեկտրոնային կառավարության համար ինովացիոն լուծումների, ամպային տեխնոլոգիաների կիրառման, առողջապահության, կրթության, անվտանգության, կենցաղ-կոմունալ ծառայությունների ոլորտներում:

Ընկերության կայուն ֆինանսական վիճակը հաստատվում է վարկանիշային աղյուսակներում գրաված դիրքերով՝ Fitch Ratings գործակալությունն այն գնահատում է վարկանիշային աղյուսակի "BBB-" մակարդակում, իսկ Standard&Poor’s գնահատմամբ այն "BB+" է:–0–

Թեմատիկ նյութեր
Բաժնի այլ նյութեր
20:21
19 Հոկտեմբերի 2019
Հինգ սուպերմթերք սրտի և անոթների համար
Ներկայացնում ենք հինգ սուպերմթերք սրտի և անոթների համար։
19:29
19 Հոկտեմբերի 2019
Հայտնի են ճարպն այրող 6 մթերքները
Հայտնի են ճարպն այրող 6 մթերքները։
18:55
19 Հոկտեմբերի 2019
Սոդայից դիմակ աչքերի համար. վերացնում է սև շրջանակներն ու կոպերի այտուցվածությունը
Ներկայացնում ենք սոդայից դիմակ աչքերի համար. վերացնում է սև շրջանակներն ու կոպերի այտուցվածությունը։
17:21
19 Հոկտեմբերի 2019
Սուրճը կարող է հանգեցնել վիժման.գիտնականներ
Գիտնականները պարզել են, որ սուրճը կարող է հանգեցնել վիժման։
13:58
18 Հոկտեմբերի 2019
«Էրեբունի-Երևան» տոնակատարությունների շրջանակում Երևանի մետրոպոլիտենը կաշխատի արտակարգ ռեժիմով
Երևանի մետրոպոլիտենը հոկտեմբերի 19-ին աշխատանքներն իրականացնելու է արտակարգ ռեժիմով։
12:40
18 Հոկտեմբերի 2019
Սաթի Սպիվակովան ժամանել է Երևան` դստեր մասնակցությամբ ֆիլմի պրեմիերային (ՖՈՏՈ)
Ռուս դերասան և հաղորդավար, հայտնի դիրիժոր և ջութակահար Վլադիմիր Սպիվակովի կին` Սաթի Սպիվակովան (Սաթենիկ Սահակյանցը) նախօրեին ժամանել է Երևան:
17:38
17 Հոկտեմբերի 2019
ՀՀ-ում 28-ամյա կինը «Օդնոկլասնիկի» միջոցով տղամարդուց հափշտակել է գրեթե 15 հազար դոլար
28-ամյա կինը կեղծ անձնական տվյալներով ծանոթություններ է հաստատել «Օդնոկլասնիկի» սոցիալական կայքում:
16:57
17 Հոկտեմբերի 2019
Ուշադրություն. «Էրեբունի-Երևան 2801» տոնակատարության օրերին փակ կլինեն Երևանի մի շարք փողոցներ
«Էրեբունի-Երևան 2801» տոնակատարության օրերին Երևանի մի շարք փողոցներում կդադարեցվի տրանսպորտային երթևեկությունը:
14:44
17 Հոկտեմբերի 2019
Քաշքշուկ ՀՀ կառավարության շենքի մոտ. 1 մարդ բերման է ենթարկվել (ՎԻԴԵՈ)
ՀՀ կառավարության շենքի մոտ այսօր քաշքշուկ է տեղի ունեցել քաղաքացիների և ոստիկանների միջև:
14:12
17 Հոկտեմբերի 2019
Ծնվել է Տիմատիի որդին (ՖՈՏՈ)
Ռուս հայտնի ռեփեր, «Black Star» լեյբլի ղեկավար Տիմատին կիսվել է ուրախալի նորությամբ:

10:48
17 Հոկտեմբերի 2019
Ռավշանա Կուրկովան սկսել է հանդիպել հայի հետ (ՖՈՏՈ)
Համացանցում ակտիվ քննարկում են 39–ամյա Ռավշանա Կուրկովայի նոր ընտրյալին։