ԵՐԵՎԱՆ, 3 նոյեմբերի./Նովոստի-Արմենիա/. Հայ պատգամավորները այսօր ՀՀ ԱԺ տնտեսական հարցերի ու ֆինանսավարկային և բյուջետային հարցերի մշտական հանձնաժողովների նիստին անդրադարձել են պարգևավճարների թեմային, որոնք 2021թ.-ի պետական բյուջեի նախագծով առաջարկվում է բարձրացնել 21,7 տոկոսով՝ հասցնելով 18,8 մլրդ. դրամի:
Загружается новость ... "Лево"
Ինչպես նշել է «Իմ քայլը» խմբակցության պատգամավոր Արտակ Մանուկյանը, 2021-ի պետական բյուջեի նախագծով չկա 21 տոկոս պարգևավճարների բարձրացում։
«Աշխատանքի վարձատրությունը (որի մեջ ներառված են նաև պարգևավճարները) 2021-ին աճել է 2,8 տոկոսով։ Մասնավորապես, 2020-ին հաստատվել է 87,3 մլրդ դրամի աշխատանքի վարձատրության ֆոնդ, որը 2021-ի նախագծով նախատեսվում է 89,7 մլրդ դրամ»,- ասել է նա:
Նա նշել է, որ 2021 թվականի համար որպես հավելվճար և աշխատողների աշխատավարձ պետբյուջեում նախատեսված է 66.9 միլիարդ դրամ, մինչդեռ 2020-ին այդ ցուցանիշը 65 միլիարդ դրամ էր, իսկ 2019-ին `63 միլիարդ դրամ:
Միաժամանակ, ըստ նրա, պետական բյուջեից պարգևավճարների համար նախատեսված է 18,8 միլիարդ դրամ (21,7 տոկոս՝ աճը), 2020-ին `15,4 միլիարդ դրամ, իսկ 2019-ին` 13,4 միլիարդ դրամ:
«Պետք է հաշվի առնել, որ հարկայն և մաքսային աշխատողների պարգևատրումը, որը 2019թ.-ի եղել է 4,1 մլրդ., 2020թ.-ի-ին եղել է 2,5 մլրդ, 2021թ.-ին արդեն նախատեսված չէ: Արդյունքում ստացվում է, որ մեթոդաբանական փոփոխություն է տեղի ունել, որ աշխատավարձերի ֆոնդն աճել է ոչ թե 2,5 տոկոսով, այլ 1 տոկոսով»,- նշել է Մանուկյանը:
Իր կողմից Ջանջուղազյանը նշել է, որ պարգևավճարը ոչ թե շռայլություն է կամ շքեղություն, այլ վարձատրության համակարգի բաղկացուցիչ:
«Պարգևավճարին պետք է վերաբերվել ոչ թե որպես շռայլություն, այլ որպես վարձատրության համակարգի բաղկացուցիչ մաս և որպես միջանկյալ լուծում։ Երբ ակնկալում ենք, որ պետական համակարգը պետք է որակյալ ծառայություն մատուցի, ենթադրվում է, որ դա կարող ենք կազմակերպել միայն արդյունավետ պետական համակարգ ունենալու պայմաններում: Եվ միջանկյալ լուծում է կիրառվում, քանի դեռ չի տրվել հիմնական լուծում, թե ինչպես պետք է փոխվի աշխատանքի վարձատրության համակարգը պետական կառավարման համակարգում»,- հայտնել է Ջանջուղազյանը:
Ինչ վերաբերում է աշխատավարձերի 2.8 տոկոս աճին, ապա, ըստ նրա, սա բյուջետավորման սկզբունքի սահուն կիրառման արդյունք է:
Ընդ որում նա նշել է, որ պարգևավճարը կազմում է աշխատավարձի մոտ 30 տոկոսը:
Իր հերթին, «Իմ քայլը» խմբակցության պատգամավոր, ԱԺ տնտեսական հարցերով մշտական հանձնաժողովի նախագահ Բաբկեն Թունյանը՝ հայտնել է, որ խմբակցությունը մտադիր է քննարկել պարգևավճարների հարցը և դրանց չափն ապագայում:
«Եթե Հայաստանում միջին կարգի բանկի վարչության պետը ստանում է 1 մլն կարգի աշխատավարձ, նորմալ չի լինի, եթե Ֆինանսների կամ Էկոնոմիկայի նախարարը դրանից 2-3 անգամ քիչ ստանա, դա անբացատրելի բան կլնի ու չի կարող հակամարգը նման կերպ աշխատել: Բայց ավելի կողմ ենք, որ այդ խնդիրը հակամարգային լուծվի, եթե պատերազմական իրավիճակում եկող տարի գոտիները ձգելու ժամանակ է, ապա առաջինը պետք է մենք մեր գոտիները ձգենք»,- նշել է Թունյանը: -0-
