Չնայած երկրում ֆորս-մաժորային իրադրության վերացմանը՝ սպառողները կարող են դիմել ծառայությունները չդադարեցնելու համար․ Մարուքյան
ԵՐԵՎԱՆ, 24 ապրիլի․ /Նովոստի-Արմենիա/․ «Լուսավոր Հայաստան» խմբակցության ղեկավար Էդմոն Մարուքյանը հինգշաբթի ՀՀ ՀԾԿՀ նախագահ Գարեգին Բաղրամյանի հետ քննարկել է կոմունալ վճարների վերաբերյալ իրավիճակը։
Նախօրեին Հայաստանում բնական գազ և էլեկտրականություն մատակարարող ընկերությունները բաժանորդներին հորդորել էին երեք օրվա ընթացքում կատարել կոմունալ վճարումները: Հայտարարություններ են արվել ՝ հաշվի առնելով Հայաստանի հանրային ծառայությունները կարգավորող հանձնաժողովի (ՀԾԿՀ) որոշումը, որ ֆորս-մաժորը, որը խոչընդոտում է կոմունալ ծառայությունների գծով վճարումների պարտավորությունների կատարմանը, համարվում է վերացված ապրիլի 22-ից:
«Այսօր հանդիպել եմ ՀՀ ՀԾԿՀ նախագահ Գարեգին Բաղրամյանին և փոխանցել նրան մեր և հազարավոր քաղաքացիների մտահոգությունները՝ կապված այն հայտարարության հետ, որ կոմունալ ծառայությունների դիմաց վճարման պարտավորության կատարմանը խոչընդոտող ֆորս-մաժորը համարվում է վերացած»,- գրել է Մարուքյանը Facebook-յան իր էջում։
«Ընդ որում, պարոն Բաղրամյանի խոսքով, այդ գործընթացը գտնվելու է ՀԾԿ հանձնաժողովի վերահսկողության ներքո»,- ասվում է գրառման մեջ։
Այսպիսով, նրանք, ովքեր համաճարակի կամ արտակարգ դրության սահմանափակումների հետևանքով ի վիճակի չեն վճարել կոմունալ ծառայությունների դիմաց, կարող են դիմել գազամատակարարման, էներգամատակարարման կամ այլ համապատասխան հանրային ծառայություններ մատուցող ընկերություն, իսկ մերժում ստանալու դեպքում՝ բողոք ներկայացնել ՀԾԿՀ գրավոր կամ թեժ գծին (010)584529։-0-
