ԵՐԵՎԱՆ, 7 դեկտեմբերի․/Նովոստի–Արմենիա/․ Կենսաբանության ուսուցչուհի Օֆելյա Մկրտչյանն իր մարմնով փակել է երեխաներին Բրյանսկի գիմնազիայում հնչած կրակոցների ժամանակ։
Ինչպես հայտնում է «Жизнь в Армении» Telegram–յան ալիքը, Օֆելյան վիրավորվել է։ Առանց նրա գործողությունների զոհերի թիվը կարող էր ավել լինել։
Նշենք, որ այսօր Բրյանսկի գիմնազիաներից մեկում ութերորդ դասարանի աշակերտուհին
հրացանից կրակ է բացել դասընկերների ուղղությամբ։ Քննության նախնական տվյալներով՝ 14-ամյա աղջիկը դպրոց է բերել պոմպային հրացան, որից կրակոցներ է արձակել իր դասընկերների ուղղությամբ։ Միջադեպի հետևանքով երկուսը մահացել են (նրանցից մեկը կրակողն է), հինգը վիրավորվել են։–0–