Ռուսաստանում մարմնավաճառները սկսել են հաճախորդներից QR կոդեր պահանջել

ԵՐԵՎԱՆ, 26 նոյեմբերի./Նովոստի–Արմենիա/. Սիզրանում սեքս-ծառայություններ մատուցող կանայք հաճախորդներից պահանջում են կորոնավիրուսի դեմ պատվաստման QR կոդեր, հաղորդում են տեղական լրատվամիջոցները՝ հղում անելով սեքս–ծառայություններ մատուցող կանանց: Այս մասին գրում է Взгляд-ը։

Տեղական КТВ-ЛУЧ հեռուստաընկերությունը հաղորդել է, որ կանայք են հայտնել նոր պահանջի մասին իրենց թղթակցի հետ հեռախոսազրույցում։

«Ես ինքս պատվաստվել եմ և հաճախորդներից նախապես պատվաստման վկայական եմ խնդրում: Ինչո՞ւ վտանգի ենթարկվեմ: Հետո պառկեմ, շնչահեղձ լինեմ։ Առողջությունը չես կարող գնել», – հեռուստաընկերությունը մեջբերում է «30 -ամյա Ալինայի» խոսքերը։

Հարցին, թե ինչպես են ստուգում, արդյոք QR կոդը պատկանում է տվյալ հաճախորդին, թղթակցին պատասխանել են, որ «անձնագրեր չեն խնդրում, և դրանով հեռախոսազրույցն ավարտվել է»։

«Հիշեցնենք, որ հասարակությունը քննադատում է մարմնավաճառությունը, այն արգելվում է օրենքով»,- գրում է КТВ-ЛУЧ-ը։

Ռուսաստանի շրջանների ճնշող մեծամասնությունը ներդրել է QR կոդերի համակարգ։ QR կոդերի մասին օրենքները, որոնց առաջին ընթերցումները պետք է տեղի ունենան մեկ ամսից, քննարկումներ են առաջացրել հասարակության շրջանում, ընդդիմադիրները նշում է, որ դրանով խախտվում է տեղաշարժվելու իրավունքները, իսկ նրանց ընդդիմախոսները վստահ են, որ հիմնարար է կյանքի իրավունքը, և օրենքները չեն արգելում տեղաշարժվել առանց QR կոդի:–0–