Ինչու՞ են շան և կատվի ձագերը կույր ծնվում, իսկ մարդիկ` տեսունակ

ԵՐԵՎԱՆ, 26 նոյեմբերի. /Նովոստի–Արմենիա/. Հղիության ժամանակ էգ շներն ու կատուները որսի տեսանկյունից սահմանափակ են իրենց շարժումներում, այդ պատճառով բնությունն այնպես է հոգացել, որ նրանց ձագերը հնարավորինս շուտ ծնվեն։ Նրանք լույս աշխարհ են գալիս պաշտպանված բներում, որտեղ ծնողները կարող են երկար ժամանակով թողնել նրանց` որս անելու նպատակով։

Օրինակ, պրիմատները չունեն մշտական պատսպարաններ, և էգերը ձագերին իրենց վրա են տանում։ Ձագուկներն ամուր կառչում են մոր բրդից։ Եվ այս հատկությունը մարդուն է անցել հենց պրիմատներից, կարծում են գիտնականները, գրում է vokrugsveta.ru–ն։

Հետևաբար, այդ հանգամանքը պահանջում է ավելի զարգացած սերնդի ծնունդ, որը տեսունակ և մորից բռնվելու ընդունակ կլինի։ -0-