ԵՐԵՎԱՆ, 23 նոյեմբերի./Նովոստի–Արմենիա/. Մորմազգիների ընտանիքը ներառում է ավելի քան 200 բուսատեսակ, և դրանց մեծ մասն ուտելու չէ, ինչը նշանակում է, որ դրանք չեն վնասում օրգանիզմին։ Սակայն մորմազգիների ընտանիքից են նաև բանջարեղենի այնպիսի հայտնի տեսակներ, ինչպիսիք են լոլիկը, սմբուկը, կարտոֆիլը և պղպեղի բոլոր տեսակները: Դժվար է հավատալ, բայց դարեր շարունակ այս մթերքները համարվել են թունավոր և սննդի մեջ չեն օգտագործվել, գրում է
bazaar.ru–ն:
Загружается новость ... "Лево"
Մորմազգիների ընտանիքի բոլոր բույսերը պարունակում են ալկալոիդ սոլանին: Այն բացասաբար է ազդում օրգանիզմի մի շարք գործընթացների վրա։ Առաջին հերթին, օրգանիզմում սոլանինի ավելցուկն ազդում է մարսողական համակարգի վրա։ Սոլանինը կարող է խախտել աղիների աշխատանքը և բացասաբար ազդել ստամոքսի թթվայնության մակարդակի վրա՝ առաջացնելով աղեստամոքսային տրակտի բորբոքում:
Բացի այդ, սոլանինը կարող է արգելափակել որոշ նեյրոհաղորդիչների արտադրությունը, ինչն էլ կարող է հանգեցնել նյարդային դիզֆունկցիայի և պարասիմպաթիկ նյարդային համակարգի աշխատանքի խանգարման: Այն անմիջականորեն ազդում է նաև սրտամկանի աշխատանքի վրա, կարող է առաջացնել առիթմիա և տախիկարդիա։ Ավելին, սոլանինն ազդում է վահանաձև գեղձի աշխատանքի վրա, ինչը հետագայում կարող է հանգեցնել տագնապի մակարդակի ավելացման և դեպրեսիայի:
Բացի սոլանինից, մորմազգինեը պարունակում են նաև կալցիտրիոլ, ինչն ավելացնում է օրգանիզմում կալցիումի յուրացումը։ Եթե կալցիումը չափազանց շատ է, այն սկսում է կուտակվել փափուկ հյուսվածքներում, հոդերում և արյունատար անոթների պատերին։ Դա հանգեցնում է մի շարք հետևանքների՝ քրոնիկ հոդացավ, մկանացավ, արյունատար անոթների ամրության նվազեցում և դրանց կալցիֆիկացում։
Չնայած այս ամենին, պարտադիր չէ ամբողջությամբ բացառել կարտոֆիլը, լոլիկը և սմբուկը սննդակարգից, պարզապես պետք է վերանայել դրանց օգտագործման հաճախականությունը: Պետք չէ ամեն օր ուտել մորմազգիների ընտանիքին պատկանող մթերքներ: Խյուս պատրաստելու համար սովորական կարտոֆիլի փոխարեն օգտագործեք քաղցր կարտոֆիլ կամ ծաղկակաղամբ, սա ոչ պակաս համեղ է, իսկ օրգանիզմի համար օգուտը շատ ավելի մեծ է։ Եթե սիրում եք սմբուկ, կարող եք այն փոխարինել դդմիկով։ Դդմիկն իր համով և տեսքով շատ նման է սմբուկին, բայց մորմազգի չէ, այլ դդմազգի է ու չի վնասում օրգանիզմին։–0–
