Հրաշագործ հատկություններ. ինչու է պետք ուտել խաղողի կորիզները

ԵՐԵՎԱՆ, 8 նոյեմբերի. /Նովոստի-Արմենիա/. Խաղողի կորիզներն ունեն օգտակար հատկությունների մի ողջ սպեկտր, ուստի դրանք կուլ տալը ոչ միայն վնասակար չէ, այլ նույնիսկ ցուցված: Մասնավորապես, կորիզներով խաղող խորհուրդ է տրվում ուտել սրտի հիվանդություններով տառապող մարդկանց, գրում է medikforum.ru-ն:


Մասնագետները «Рамблер/доктор» պորտալում պատմել են, որ խաղողի կորիզներն օգնում են քաղցկեղի կանխարգելման հարցում, քանի որ մեծ քանակությամբ հակաօքսիդիչներ են պարունակում: Օրինակ, պարունակում են տոկոֆերոլ, որի պաշտպանիչ էֆեկտը տարածվում է կրծքագեղձի, մաշկի կամ շագանակագեղձի քաղցկեղածին բջիջների վրա:

Խաղողի կորիզները նաև ամրացնում են արյունատար անոթները և նպաստում արյան մաքրմանը: Բացի այդ, դրանք պարունակում են արյան շրջաննառությունն ակտիվացնող նյութեր և այդ իմաստով օգտակար են մազաթափության դեպքում:

Անխոս, խաղողի կորիզների ամենագնահատելի հատկությունն այն է, որ դրանք հագեցած են Е կենսանյութով, որը կանխարգելում է աչքերի խնդիրները, երիտասարդացնում մաշկը:

Մասնագետների պնդմամբ, այդ փոքրիկ կորիզներն օժտված են հակաբորբոքիչ հատկություններով և օգտակար են կոլիտի, գաստրիտի, միզասեռական ուղիների և աղիների վարակների բուժման հարցում: -0-