ԵՐԵՎԱՆ, 19 նոյեմբերի./Նովոստի–Արմենիա/. Ռուսաստանաբնակ դիմահարդար Գոհար Ավետիսյանն այս օրերին ամուսնու հետ Դուբայում է և նոր լուսանկարներ է հրապարակել ամուսնու՝ Սերգեյի հետ։
«Այս քաղաքը չի ուզում բաց թողնել մեզ»,- գրել է Գոհարը Instagram–ում` հրապարակելով լուսանկարներ։
«Վերջ աղջիկներ, հիմա Սերյոգան ինձ տանում է ձեռքերի վրա»,– գրել է դիմահարդարն` ակնարկելով, թե որքան է նիհարել։
Հիշեցնենք, որ Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ նա ընդամենը մեկ տարեկան էր։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։ Սկզբում Գոհարը դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի հենց Մոսկվայի կենտրոնում։–0–
