«Բառեր չեմ գտնում, որպեսզի զգացողություններս փոխանցեմ». հայ զինվորի առաջին հանդիպումը նորածին դստեր հետ (ՎԻԴԵՈ)

ԵՐԵՎԱՆ, 31 հոկտեմբերի./Նովոստի–Արմենիա/. Արցախում ավելի քան մեկ ամիս տևող պատերազմի պայմաններում լույս աշխարհ է եկել արցախի 30–րդ փոքրիկը։

Նորաթուխ հայրիկը վերադարձել է ռազմաճակատից` նորածին դստերն առաջին անգամ տեսնելու համար։

«Ես ինքս 93 թվականին ծնվել եմ պատերազմում, չեմ ցանկանա` մեր երեխաները նույնը տենան», – ասում է նորաթուխ հայրիկը։

Գրկելով նորածին դստերը` հայրիկը հուզմունքից խոսքեր չի գտնում։

«Առաջին բալիկս ծնվել ա...բառեր չեմ գտնում, որպեսզի զգացողություններս փոխանցեմ», – ասում է հայրիկը։

«Շատ երջանիկ եմ առաջնեկիս ծնվելու առթիվ, լավ կլիներ, որ մենք մեր հայրենիքում լինենք ու անպայման կվերադառնանք», – ասում է նորաթուխ մայրիկը։

Ռեպորտաժը հրապարակվել է Արցախի տեղեկատվական շտաբի Facebook–յան էջում։–0–