ԵՐԵՎԱՆ, 11 դեկտեմբերի./Նովոստի–Արմենիա/. AdMe.ru–ն կազմել է ռուսաստանցի հումորիստների երեխաների ցանկը, որոնք շատ նման են իրենց «աստղային» ծնողներին։
Այդ ցանկում են ներառվել նաև Միշա Գալուստյանի և Գարիկ Մարտիրոսյանի երեխաները։
Էստելլա, Միխայիլ Գալուստյանի դուստրը
Միխայիլ Գալուստյանն իր ապագա կնոջը` Վիկտորիային, հանդիպել է 2003թ.–ին, նրանք ամուսնացել են 4 տարի անց։ Ունեն երկու դուստր` Էստելլան (9 տարեկան) և Էլինան, ով երկու տարով փոքր է քույրիկից։ Էստելլան շատ նման է հայրիկին, դա նկատել են նաև Միխայիլի երկրպագուներն ու ինքը` հումորիստը։
Ժասմին, Գարիկ Մարտիրոսյանի դուստրը
Գարիկ Մարտիրոսյանն իր ապագա կնոջը` Ժաննա Լևինային հանդիպել է 1997թ.–ին` Սոչիում կայացած ՈւՀԱ–ի փառատոնի ժամանակ։ Ժաննա Լևինա–Մարտիրոսյանն ամուսնու նման հանրային անձ է, ունի բլոգ Instagram–ում, 2018թ.–ին թողարկել է «Հումորիստի կնոջ օրագիրը» գիրքը։ Զույգն ունի երկու երեխա` 15–ամյա Ժասմինն ու 10–ամյա Դանիելը։ Մարտիրոսյանների ընտանիքը շոու բիզնեսի ամենաամուր ընտանիքներից մեկն է։–0–