ԵՐԵՎԱՆ, 12 հունվարի./Նովոստի–Արմենիա/. Մեծ Բրիտանիայի Լաֆբորո համալսարանի աշխատակիցների իրականացրած հետազոտությունը ցույց է տվել, որ փորի չափը կարող է ազդել ուղեղի վրա։ Այս մասին գրում է medikforum.ru–ն` հղում անելով EurekAlert–ին։
Արդյունքները ցույց են տվել, որ որովայնի շրջանում ճարպի ավելցուկներ ունեցող մարդկանց ուղեղի ծավալն ավելի փոքր է, քան սլացիկ մարմին ունեցողների մոտ։
Գիտնականները հետևել են 55 տարեկանից բարձր 9652 մարդու։ Այդ կամավորների 19%–ը տառապել է մարմնի ավելորդ քաշից։
Загружается новость ... "Лево"
Գիտնականները ստուգել են կամավորների իրանի և ազդրերի հարաբերակցությունը և հաշվարկել նրանց մարմնում առկա ճարպի ընդհանուր տոկոսը։ ՄՌՏ–ի միջոցով գիտնականները հետազոտել են նաև կամավորների ուղեղը։ Բացի այդ, հաշվի են առնվել կամավորների տարիքը, զարկերակային ճնշման մակարդակը, ծխելու և ֆիզիկական ակտիվության գործոնները։ Արդյունքում, մասնագետները ստացել են տվյալներ, որոնք հաստատել են ուղեղի վրա ավելորդ քաշի ազդեցության տեսությունը։
Մասնավորապես, գիտնականները պարզել են, որ որովայնի չափերի ավելացման հետ կապված ճարպակալումը փոխկապակցված է գլխուղեղում գորշի նյութի ավելի ցածր պարունակության հետ։
«Ճարպարակալումը կարող է հրահրել իմունային համակարգի չափից շատ ակտիվացում, որը վնաս է ուղեղին և փոքրացնում է այն` այդ կերպ ավելացնելով հիշողության կորստի հավանականությունը», – նշել են նախագծի հեղինակները։–0–
