Ավելի քան 20 օր սահմանափակ կլինի Երևանի կենտրոնական փողոցներից մեկի երթևեկը

ԵՐԵՎԱՆ, 18 հուլիսի. /Նովոստի-Արմենիա/. Հուլիսի 15-ից օգոստոսի 8-ն Ամիրյան փողոցում երթևեկը կկազմակերպվի ջրամատակարարման ցանցի շինարարությանը զուգահեռ:

Ինչպես հայտնում է Երևանի քաղաքապետարանի մամուլի ծառայությունը, մայրաքաղաքի Ամիրյան փողոցի հ.2.2/8 հասցեի («Էսջիայ Ինվեստ» ՍՊԸ) կարիքների համար ս.թ. հուլիսի 15-ից մինչև օգոստոսի 8-ը ներառյալ փողոցի երթևեկելի հատվածում կընթանան ջրամատակարարման, ջրահեռացման և հեղեղատար համակարգերի կառուցման աշխատանքներ:

Այդ ընթացքում տրանսպորտային երթևեկությունը կկազմակերպվի ցանցի շինարարությանը զուգահեռ: «Պատճառվող ժամանակավոր անհարմարությունների համար Երևանի քաղաքապետարանը հայցում է քաղաքացիների ներողամտությունը», - նշվում է տարածած հաղորդագրությունում:-0-