Հայտնի են դարձել սպորտի բնագավառում Ռուսաստանի ամենաազդեցիկ կանանց անունները

Գեղարվեստական մարմնամարզության օլիմպիական չեմպիոն Ալինա Կաբաևան, Ռուսաստանի գեղարվեստական մարմնամարզության հավաքականի գլխավոր մարզիչ Իրինա Վիները, գեղասահքի մարզիչ Տատյանա Տարասովան, գեղասահքի օլիմպիական չեմպիոն Իրինա Ռոդնինան և թենիսիստ Մարիա Շարապովան ընդգրկվել են ԹՈՓ-100 սպորտային վարկանիշի ամենաազդեցիկ կանանց հնգյակում:

2011թ.-ի ընթացքում Ռուսաստանի ամենաազդեցիկ կանանց ԹՈՓ-100 պատրաստվել է «Էխո Մոսկվի» ռադիոկայանի, «ՌԻԱ Նովոստիի» «Օգոնյոկ» հանդեսի և «Ինտերֆաքս» տեղեկատվական գործակալության կողմից:

ԹՈՓ-100-ը գլխավորել են Դաշնության խորհրդի խոսնակ Վալենտինա Մատվիենկոն, նախագահի մամուլի քարտուղար Նատալյա Տիմակովան և երգչուհի Ալլա Պուգաչյովան: Առաջին տասնյակում նաև ընդգրկվել են ՌԴ նախագահի կինը՝ Սվետլանա Մեդվեդևան, Տնտեսական զարգացման նախարարության ղեկավար Էլվիրա Նաբիուլինան, Առողջապահության և սոցիալական զարգացման նախարարության ղեկավար Տատյանա Գոլիկովան, հեռուստահաղորդավար Քսենիա Սոբչակը, Մոսկվայի քաղաքային դատարանի նախագահ Օլգա Եգորովան, մարզուհի Ալինա Կաբաևան և իրավապաշտպան Լյուդմիլա Ալեքսեևան: ՌԴ ամենաազդեցիկ կանանց ցուցակը նախկինում չի կազմվել: -0-