ՀՀ ոստիկանապետը սեփական հրաժարականի մասին տեղեկություններ չունի. թերթ

Հայաստանի ոստիկանապետ Ալիկ Սարգսյանը հայտարարել է, որ պաշտոնական տեղեկություն չունի սեփական հրաժարականի վերաբերյալ, ինչի մասին հաղորդում են հայկական ԶԼՄ-ները:

Նախօրեին հայկական ԶԼՄ-ները, հղում անելով սեփական աղբյուրներին, հայտարարել են Սարգսյանի առաջիկա հրաժարականի և Սարգսյանի պաշտոնում պաշտպանության փոխնախարար Վլադիմիր Գասպարյանի փոխարինման մասին, ով երկար ժամանակ գլխավորել է Հայաստանի Ռազմական ոստիկանությունը:

«Ինձ պաշտոնապես ոչ ոք ոչինչ չի ասել... Նման տեղեկություն չունեմ»,- ասել է Սարգսյանը «Հայկական ժամանակ» օրաթերթին տված հարցազրույցում:   

Նա նշել է, որ նախօրեին հանդիպել է Հայաստանի նախագահ Սերժ Սարգսյանին և, ինչպես սովորաբար, զեկուցել իր գործունեության վերաբերյալ: «Իրավիճակը նորմալ է, խաղաղ, որևէ նման խնդիր չունեմ»,- ասաց Սարգսյանը:

Նա ավելացրել է, որ չգիտի, թե որտեղից են իր հրաժարականի վերաբերյալ լուրեր հայտնվել: «Չեմ կարող որևէ պատասխան տալ: Նորմալ ծառայում եմ: Նրա (նախագահի) կողքին կլինեմ մինչև վերջ: Անկախ նրանից, թե նա վերադասավորումներ կանի, միևնույն է, մինչև վերջ նրա կողքին կլինեմ»,- նշել է Սարգսյանը՝ ավելացնելով, որ չի լքի թիմը:

Պարբերականի համաձայն, Սարգսյանին կարող են նշանակել փոխվարչապետ, տարածքային կառավարման նախարար՝ այդ պաշտոնը զբաղեցնող Արմեն Գևորգյանի փոխարեն կամ նախագահի աշխատակազմի ղեկավարի տեղակալի պաշտոնում:

Սակայն Տարածքային կառավարման նախարարության մամուլի ծառայությունից Գևորգյանի հնարավոր հրաժարականի լուրերը հերքեցին: --0-