ԵՐԵՎԱՆ, 28 նոյեմբերի․ /Նովոստի-Արմենիա/․ Հայաստանի Սահմանադրական դատարանի նախկին անդամ Կիմ Բալայանը մտադիր չէ դադարեցնել հացադուլը և իրավապահ մարմիններից պահանջում է քրեական գործ հարուցել սահմանադրական կարգը տապալելու համար:
Շաբաթ օրը մի խումբ հայ խմբագիրներ այցելել են վարչապետ Նիկոլ Փաշինյանի հրաժարականը պահանջող հացադուլ հայտարարածներին՝ ՀՅԴ «Դաշնակցության» ներկայացուցիչ, «Երկիր մեդիա» հեռուստաընկերության տեղեկատվական-վերլուծական ծառայության տնօրեն Գեղամ Մանուկյանի գլխավորությամբ: Լրատվամիջոցների ներկայացուցիչներն առաջարկել են, որ Կիմ Բալայանը հրաժարվի հացադուլից, քանի որ բժիշկները նույնպես դա են խորհուրդ տալի: Սակայն, Բալայանը հրաժարվեց դադարեցնել հացադուլը, նույնիսկ պայմանով, որ այլ անձինք կփոխարինեն իրեն՝ ի աջակցություն նրա գործողության:
Загружается новость ...
"Право"
«Ես 73 տարեկան եմ, և եթե այդպես եմ որոշել, ապա դա պետք է հարգել: Ես չեմ եկել հացադուլի նստել Նիկոլ Փաշինյանի հեռացնելու համար, ես եկել եմ ասելու, որ իրավապահ մարմինների ղեկավարները պարտավոր են իրենց ֆունկցիաները ճիշտ իրականացնել։ Այսօր նրանք պարտավոր էին քրեական գործ հարուցել սահմանադրական կարգը տապալելու համար, պաշտոնական որևէ արձագանք չկա, գոնե ասեին, որ նյութեր են նախապատրաստում», - ասել է Բալայանը:
Նա նշել է, որ արդյունքի հասնելու համար հացադուլ է հայտարարել, բայց մինչ այժմ ոչ մի արձագանք չկա, այդ թվում` նա դիմել է նաև նախագահին, բայց նույնպես պատասխան չի ստացել:
Նրա խոսքով՝ անընդունելի է, որ երեք պետությունների ղեկավարների հայտարարությունում նշված չլինեն ռազմագերիների և մարմինների փոխանակման կոնկրետ ժամկետներ, ընդ որում, որ տարածքների հանձնումը հստակորեն նախատեսված է:
«Ես էլ իմ մեղքն եմ քավում: Եթե դիվանագիտությունը իր տեղում լիներ, այս պատերազմը չէր սկսվի»,- ասել է Բալայանը:
Նա անթույլատրելի է համարել նաև այն փաստը, որ Փաշինյանը նախապես հայտարարել էր, որ ինքը չի ընտրվել Արցախի ժողովրդի կողմից և չի կարող բանակցել հանրապետության անունից, որից հետո իրավունք չուներ այն հանձնել: Նրա խոսքով, Հայաստանի վարչապետն իրավունք չուներ հայտարարելու, որ Արցախը Հայաստան է և վերջ՝ դրանով իսկ ավելի զայրացնելով թշնամուն:-0-
