ՀՀ ոստիկանապետը խոստացել է կարգուկանոն հաստատել սեռական փոքրամասնությունների սիրած այգում

ԵՐԵՎԱՆ, 12 հունվարի. /Նովոստի-Արմենիա/. ՀՀ ոստիկանապետ Վլադիմիր Գասպարյանը խոստացել է կարգուկանոն հաստատել սեռական փոքրամասնությունների երևանյան սիրած այգիներից մեկում:

Երևանի Բաքվի 26 կոմիսարների անվան այգին հայտնի է նրանով, որ երեկոյան այնտեղ են հավաքվում ոչ ավանդական սեռական կողմնորոշման ներկայացուցիչներ:

«Անկեղծ ասած՝ այդ այգուն դեռ չենք հասել, սակայն ես ուշադրություն կդարձնեմ այդ հարցին»,- հինգշաբթի կառավարական նիստից հետո ասաց Գասպարյանը լրագրողներին:

Նա միաժամանակ կոչ արեց ԶԼՄ-ներին՝ ավելի ակտիվ լինել նմանատիպ խնդիրների լուսաբանման հարցում՝ խոստանալով իր աջակցությունը: -0-