ՀՀ ոստիկանապետը երկրում հեղափոխություններ չի ակնկալում

Հայաստանի ոստիկանապետ Վլադիմիր Գասպարյանը որևէ հեղափոխություն չի ակնկալում երկրում:

«Ես ընդամենը մեկ անգամ եմ մասնակցել հեղափոխության՝ 80-ականների վերջին: Իմ երկրում ես այլևս հեղափոխություն չեմ սպասում»,- հինգշաբթի ասաց նա լրագրողներին կառավարական նիստից հետո:

Գասպարյանը միաժամանակ հույս հայտնեց, որ Հայաստանը նորմալ և խաղաղ զարգացում կունենա:

Լրագրողների խնդրանքով մեկնաբանելով Հայաստանի նախկին ոստիկանապետ Ալիկ Սարգսյանի հայտարարությունն այն մասին, թե «ինքը պատրաստ է օրորոցում խեղդել հեղափոխության միտքը»՝ Գասպարյանն ասաց, որ իրեն նման մտքեր չեն այցելում:

 «Ես խաղաղության կողմնակից եմ»,- ընդգծեց նա: -0-