Հայաստանում այս տարվա հունվար-հոկտեմբերին կատարվել է 13 609 հանցագործություն, ինչը 6 տոկոսով ավելի է նախորդ տարվա նույն ժամանակաշրջանի համեմատ, հաղորդում է ՀՀ ազգային վիճակագրական ծառայությունը:
Միաժամանակ առավել շատ թվով հանցագործություն (6965) գրանցվել է Երևանում, ինչը 12,6 տոկոսով ավելի է նախորդ տարվա ցուցանիշից, ամենաքիչ թվով հանցագործությունները՝ Վայոց Ձորի մարզում:
Իրավախախտումների ընդհանուր թվից շուրջ 2880-ը անձի նկատմամբ կատարված հանցագործություններն են (սպանություն, մահափորձ, առողջությանը վնաս հասցնելը և այլն), 28000-ը հանցագործություններն են, որոնք սպառնում են հասարակական կարգին և անվտանգությանը (բանդիտիզմ, ճանապարհային երթևեկության կանոնների խախտում, թմրանյութերի տարածում և այլն):
Բացի այդ, հաշվետու ժամանակաշրջանում հանրապետությունում գրանցվել է սեփականության դեմ կատարված շուրջ 5 հազար հանցագործություն (կողոպուտ, մասնավոր և պետական ունեցվածքին վնաս հասցնելը):
Այս տարվա հունվար-հոկտեմբերին տնտեսական գործունեության դեմ կատարվել է ավելի քան հազար հանցագործություն (կեղծ դրամի պատրաստում և իրացում):
Պետական իշխանության, պետական ծառայությունների և կառավարման համակարգի դեմ կատարվել է շուրջ 1880 հանցագործություն:-0-
