Սկսվել է ԿՄՎ նախագահ Շեյխ-Ուլ-Իսլամ Ալլահշուքյուր Փաշազադեի այցը Երևան
Կովկասի մահմեդականների վարչության նախագահ Շեյխ-Ուլ-Իսլամ Ալլահշուքյուր Փաշազադեն երկուշաբթի ժամանեց Հայաստան՝ ԱՊՀ երկրների միջկրոնական խորհրդի նախագահության նիստին մասնակցելու նպատակով:
Երևանի «Զվարթնոց» օդանավակայանում Փաշազադեին դիմավորեց Ամենայն Հայոց Գարեգին Բ Կաթողիկոսը:
Սա Փաշազադեի առաջին այցն է Հայաստան, հայտնում է ՌԻԱ Նովոստին:
2010թ. ապրիլին Բաքվում կայացավ Գարեգին Բ-ի, Ալլահշուքյուր Փաշազադեի և Կիրիլ Պատրիարքի եռակողմ հանդիպումը Հաշախարհային կրոնական գագաթնաժողովի շրջանակներում:
Նիստին կմասկացի նաև Մոսկվայի և Համայն Ռուսիո Կիրիլ Պատրիարքը:
Ինչ վերաբերում է Համայն Վրաստանի Իլիա Բ Պատրիարքին, ապա նա չի ժամանի Երևան և չի մասնակցի Հարավային Կովկասի երկրների հոգևոր առաջնորդների հանդիպմանը: Հրաժարվելու պատճառները չեն հաղորդվում:
Ավելի վաղ հաղորդվում էր, որ նիստի ժամանակ հնարավոր է Հարավային Կովկասի առաջնորդների հանդիպումը Մոսկվայի և Համայն Ռուսիո Կիրիլ Պատրիարքի միջնորդությամբ:
ԱՊՀ երկրների միջկրոնական խորհրդի նախագահության նիստը կանցկացվի Երևանում:
Անկախ Պետությունների Համագործակցության Միջկրոնական խորհուրդը հասարակական կազմակերպություն է, որը ստեղծվել է ԱՊՀ ավանդական կրոնական միավորումների կողմից: -0-
