Մրցաշարի չորրորդ տուրի բոլոր խաղերը երկուշաբթի ավարտվել են ոչ-ոքի։ Արոնյանի հակառակորդն է եղել ադրբեջանցի Շահրիյար Մամեդյարովը, Սերգեյ Կարյակինը (Ռուսաստան) խաղացել է Ալեքսեյ Շիրովի (Իսպանիա) հետ. Բորիս Գելֆանդը (Իսրայել)՝ Ալեքսանդր Գրիշչուկի (Ռուսաստան), Խաո Վանգը (Չինաստան)՝ Պավել Էլյանովի (Ուկրաինա), Խիկարու Նակամուրան (ԱՄՆ)՝ Վլադիմիր Կրամնիկի (Ռուսաստան) հետ:
Արդյունքում Արոնյանը հավաքել է երեք միավոր, նրանից կես միավորով հետ են մնում Կարյակինը, Խաո Վանգը, Մամեդյարովը, Նակամուրան և Գրիշչուկը, Կրամնիկն ունի երկու միավոր, մեկուկես միավոր՝ Գելֆանդը, իսկ մրցաշարային աղյուսակը եզրափակում են Էլյանովը և Շիրովը՝ 0,5-ական միավորով։
Նոյեմբերի 10-ին կայանալիք հինգերորդ տուրի զույգերն են՝ Արոնյան-Կարյակին, Գրիչշուկ-Մամեդյարով, Շիրով-Նակամուրա, Էլյանով-Գելֆանդ, Կրամնիկ-Խաո Վանգ։
21-րդ կարգի ավանդական շրջանային գրոսմայստերական սուրպերմրցաշարը մեկնարկել է նախորդ ուրբաթ և կշարունակվի մինչև նոյեմբերի 14-ը։ -0-
