Հայկական ընդդիմադիր թերթի գլխավոր խմբագիրը հարձակման է ենթարկվել բանտում. թերթ

ԵՐԵՎԱՆ, 4 նոյեմբերի. /Նովոստի-Արմենիա/. «Հայկական ժամանակ» հայկական ընդդիմադիր թերթի գլխավոր խմբագիր Նիկոլ Փաշինյանը հարձակման է ենթարկվել «Կոշ» քրեակատարողական հիմնարկում, որտեղ նա բանտային պատիժ է կրում, հինգշաբթի գրում է «Հայկական ժամանակ» օրաթերթը։

Պարբերականին չի հաջողվել իմանալ պատահածի մանրամասները, սակայն Հայաստանի Ազգային անվտանգության ծառայության աղբյուրները պնդում են, թե հարձակման նպատակը Փաշինյանի քաղաքական և լրագրողական գործունեության կասեցումն է։

Նիկոլ Փաշինյանը «Հայկական ժամանակ» հայկական ընդդիմադիր թերթի գլխավոր խմբագիրն է։ 2008 թվականի մարտի 1-2-ի իրադարձություններից հետո Փաշինյանը հետախուզման մեջ է եղել։ Նա Ոստիկանությանն է հանձնվել 2009 թվականի հուլիսի 1-ին։

Կենտրոն և Նորք Մարաշ վարչական շրջանների դատարանը 2010 թվականի հունվարի 19-ին «Հայկական ժամանակ» թերթի գլխավոր խմբագիր Նիկոլ Փաշինյանին դատապարտել է յոթ տարի ազատազրկման 2008 թվականի մարտի 1-2-ին Երևանում մի խումբ անձանց հետ զանգվածային անկարգություններ կազմակերպելու համար։

2010 թվականի մայիսի 25-ին «Նուբարաշեն» ՔԿՀ պետի որոշմամբ իրականացվել է Նիկոլ Փաշինյանի պատժի չկրած մասի կրճատման հաշվարկ, որին համապատասխան պատժի ժամկետը կիսով չափ կրճատվել է (երեք տարի մեկ ամիս և մեկ օր), ինչի արդյունքում պատժի վերջնական ժամկետը կազմել է երեք տարի տասն ամիս և 29 օր։ -0-