Ադրբեջանը կարող է ՄԱԿ-ի Գլխավոր վեհաժողովի օրակարգից հանել «Ադրբեջանի օկուպացված տարածքներում տիրող իրավիճակի մասին» բանաձևի քննարկումը, կարծում է «Օրինաց երկիր» կոալիցիոն խմբակցության պատգամավոր Հովհաննես Մարգարյանը:
Բաքվի նախաձեռնած «Ադրբեջանի օկուպացված տարածքներում տիրող իրավիճակի մասին» բանաձևը կքննարկվի ՄԱԿ-ի Գլխավոր վեհաժողովի լիագումար նիստի ժամանակ՝ սեպտեմբերի 9-ի օրվա առաջին կեսին, նշվում է կազմակերպության կայքում:
«Ես չեմ կասկածում, որ Ադրբեջանը կարող է կտրուկ փոխել իր դիրքոշումը՝ հաշվի առնելով տարածաշրջանում ստեղծված իրավիճակն ու ԵԱՀԿ ՄԽ համանախագահների դիրքորոշումը», - չորեքշաբթի լրագրողների ասաց պատգամավորը:
ԵԱՀԿ ՄԽ համանախագահներ Իգոր Պոպովը (Ռուսաստան), Բեռնար Ֆասիեն (Ֆրանսիա) և Ռոբերտ Բրադտկեն (ԱՄՆ) հանդես են եկել համատեղ հայտարարությամբ, որում դատապարտել են շփման գծում հրադադարի ռեժիմի խախտման դեպքերն ու կոչ են արել ամրապնդել փոխզիջման մթնոլորտը: Գրեթե երեք ամսվա ընթացքում Ղարաբաղում Ադրբեջանի ԶՈՒ-ն երեք դիվերսիոն ակցիա է կազմակերպել:
Մարգարյանի խոսքերով՝ ղարաբաղյան հակամարտության կարգավորումը հնարավոր է միայն ԵԱՀԿ Մինսկի խմբի շրջանակներում, և Հայաստան ու Ադրբեջան՝ ՌԴ նախագահ Դմիտրի Մեդվեդևի վերջերս կատարած այցի համատեքստում բանակցությունների ձևաչափը չի փոխվում:
«Բնական է, որ համանախագահները շատ լավ հասկանում են, որ Ադրբեջանի և Ղարաբաղի շփման գծում իրականացված դիվերսիաների հետևում կանգնած է Ադրբեջանը, սակայն փորձելով որոշակի հավասարակշռություն պահպանել բանակցային գործընթացում՝ նրանք փորձում են չպաշտպանել այս կամ այն կողմին», - ասաց պատգամավորը:
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-
