Հայ հնագետները պետք է պայքարեն Ադրբեջանի և Թուրքիայի կողմից պատմության աղավաղման դեմ
Հայկական հնագիտությունը պետք է ամենաբարձր մակարդակով պայքարի ադրբեջանցի և թուրք գիտնականների կողմից պատմության աղավաղման դեմ և նրանց արժանի հակահարված հասցնի, հայտնեց ՀՀ գիտությունների ազգային ակադեմիայի հնագիտության ինստիտուտի տնօրեն Պավել Ավետիսյանը։
«Դրա համար առաջին հերթին պետք է բարձր մակարդակում գիտական հետազոտություններ անցկացնել, որպեսզի հակադրվի մերկապարանոց և հստակ փաստերի քննադատության չդիմացող ոչ գիտական հայտարարությունները, որոնք արդեն խոսում են իրենց փոխարեն»,- ուրբաթ մամուլի ասուլիսի ժամանակ ընդգծեց նա։
Ըստ Ավետիսյանի, Հնագիտության ինստիտուտը դեռ հաջողությամբ լուծում է այդ խնդիրը։ «Նախկինում մենք ֆինանսավորման հետ կապված խնդիրներ ունեինք, սակայն 2007թ.-ից սկսած կառավարությունը մեզ տարեկան շուրջ 100 մլն դրամ (գրեթե 274 հազար դոլար) է հատկացրել, այնպես որ մենք չենք խեղճանում այդ հարցում։ Ամեն տարի մենք շուրջ 14-15 ծրագիր ենք իրականացնում»,- ասաց նա։
Ինստիտուտի տնօրենը նշեց, որ առաջին հերթին պետք է պայքարել հնագիտական գիտությունում օգտագործվող քաղաքական եզրույթների դեմ, ինչպիսին են «Հարավային Կովկասը» և «Արևելյան Անատոլիան»։
«Հնագիտության մեջ նման անվանումներ չկան։ Գոյություն ունի Հայկական լեռնաշխարհ հասկացությունը։ Սակայն մի շարք օտարերկրացի գիտնականներ քաղաքական գործընթացների ազդեցության տակ խուսափում են այդ անվանման օգտագործումից»,- ընդգծեց նա։
Ըստ Ավետիսյանի, այդ խնդիրները կարելի է լուծել միայն միջազգային համագործակցության ճանապարհով։ «Միաժամանակ մենք մեզ պետք է որպես լուրջ գիտնականների երաշխավորենք, չընկնենք ազգայնականության գիրկը։ Նույնիսկ եթե եգիպտական բուրգերը, օրինակ հայկական ծագումնաբանություն ունեն, դրա մասին չի կարելի բարձրաձայնել առանց ապացույցների։ Դրա փոխարեն ավելի լավ է պահպանել և գնահատել Հաղարծնի վանքը»,- ընդգծեց նա։ -0
