Հայաստանում ռուսական ռազմակայանի տեղակայման ժամկետի երկարացման պայմանագիրն ուղղված չէ երրորդ երկրների դեմ, ինչպես դա ցանկանում են ներկայացնել Թուրքիան ու Ադրբեջանը, երեքշաբթի լրագրողներին ասաց իշխող Հայաստանի Հանրապետական կուսակցություն խորհրդարանական խմբակցության ղեկավար Գալուստ Սահակյանը։
Oգոստոսի 20-ին Ռուսաստանն ու Հայաստանը արձանագրություն են ստորագրվել Գյումրիի ռուսական ռազմակայանի մասին 1995թ.-ին ստորագրված երկկողմ պայմանագրի մեջ փոփոխություններ կատարելու մասին, որոնք վերաբերում են փաստաթղթի գործողության ժամկետի երկարացմանը: 1995թ.-ին ստորագրված պայմանագրի գործողության ժամկետը 25 տարի էր, այժմ փաստաթուղթը գործելու է 49 տարի (մինչև 2046 թվականը՝ 1997 թ.-ին համաձայնագրի վավերացման պահից սկսած):
«Պայմանագիրը կարողացել է կողմնորոշել գլոբալ գործընթացները և որոշակի կերպով թուլացնել հակամարտող շրջաններում տիրող իրավիճակը։ Ռուս-հայկական պայմանագիրը երրորդ ուղղված չէ երկրների դեմ, ինչպես դա ցանկանում են ներկայացնել Ադրբեջանն ու Թուրքիան, այլ տարածաշրջանում ուժերի հավասարակշռությունը պահպանող փաստաթուղթ է»,- ասաց Սահակյանը։
Ինչպես նշեց խորհրդարանականը, նման փաստաթղթերը մեկ օրում չեն ստորագրվում, դրանք պատրաստվում են բավական երկար ժամանակում և բավական երկարատև հետևանքների են հանգեցնում։
Պատգամավորը նշեց, որ պայմանագիրը ռուս-ամերիկյան, մեծ ութնյակի ներսում տեղի ունեցող, ինչպես նաև ռուս-թուրքական և ամերիկաիրանական հարաբերություններում տեղի ունեցող գործընթացների արդյունքն է դարձել։
«Պայմանագիրը գլոբալ քաղաքական գործընթացների հետևանք է»,- կարծում է խմբակցության ղեկավարը։ -0-
