Մանկական «Նոր ալիք»-ի հայ հաղթողները ցանկանում են մասնակցել մանկական Եվրատեսիլին

Երիտասարդ կատարողների միջազգային հանրահայտ մրցույթի՝ մանկական «Նոր ալիք»-ի հաղթողները՝ «Ռազմիկը և ընկերները» հայկական խումբը, պատրաստվում է մանկական Եվրատեսիլին մասնակցելու ազգային ընտրական փուլին, չորեքշաբթի լրագրողներին ասաց խմբի վոկալիստ Ռազմիկ Աղաջանյանը։

«Մենք կկատարենք «Աշխարհի նախագահը» անվանումով երգը»,- նշեց նա՝ ավելացնելով, որ այդ երգը կոչ կլինի համաշխարհային առաջնորդներին, որտեղ կշարադրվեն ողջ աշխարհի երեխաների մաղթանքները։ Աղաջանյանը նշեց, որ մրցույթում հաջողության հույս ունի։

Մրցույթը, որն անցկացվում էր օգոստոսի 20-ից նախկին ԽՍՀՄ տարածքում գտնվող խոշորագույն մանկական ճամբարում՝ «Արտեկ»-ում, և նվիրված էր ճամբարի 85-ամյակի տոնակատարությանը, հաջորդել է Մոսկվայում 2008 և 2009 թթ.-ին անցկացվող «Նոր Ալիք - Junior» մրցույթին: Մանկական «Նոր ալիք»-ի կազմկոմիտեն մասնակցության ավելի քան 5 հազար հայտ է ստացել:

«Նոր ալիք» երիտասարդ կատարողների միջազգային մրցույթի ավագ խմբում (13-15 տարեկան) առաջին տեղը կիսել են ուկաինուհի Վիկտորյա Պետրիկն ու «Ռազմիկը և ընկերները» հայկական խումբը:

«Մանկական «Նոր ալիք» մրցույթի ժյուրին գլխավորել է «Նոր ալիք» մրցույթի կազմակերպիչ, ռուս կոմպոզիտոր Իգոր Կրուտոյը: Նրա հետ միասին մրցույթի մասնակցողներին գնահատում էին ռուս և ուկրաինացի երգիչներ, մասնավորապես՝ Սերգեյ Լազարևը, Ալսուն, Տիմատին, Իրինա Դուբցովան, Անի Լորակը, Վերա Բրեժնևան, Դիմա Բիլանը:-0-