Սարգսյանը ցավակցական հեռագիր է հղել Մեդվեդևին

ԵՐԵՎԱՆ, 2 օգոստոսի./Նովոստի-Արմենիա/. Նախագահ Սերժ Սարգսյանը տարերային աղետի կապակցությամբ ցավակցական հեռագիր է հղել ՌԴ նախագահ Դմիտրի Մեդվեդևին, երկուշաբթի հաղորդում է հայկական պետության ղեկավարի մամուլի ծառայությունը:

Հունիսի կեսերին մոսկովյան տարածաշրջանում տեղակայված արտառոց շոգն ու երաշտը Մոսկովյան շրջանում և սահմանակից շրջաններում բազմաթիվ բնական հրդեհների է հանգեցրել:

«Հարգելի Դմիտրի Անատոլիի, ցավով տեղեկացա Ռուսաստանի կենտրոնական մարզերում տեղի ունեցած տարերային աղետի մասին, որը հանգեցրել է մարդկային զոհերի եւ ավերածությունների: Տխուր է գիտակցել, որ լայնածավալ հրդեհների հետեւանքով հազարավոր մարդիկ զրկվել են ծածկից եւ գույքից, երկրին հասցվել է նյութական վնաս»,- նշվում է ցավակցական հեռագրում:

ՀՀ նախագահն իրենց ուղերձում իր ռուս գործընկորջը խնդրել է  կարեկցանքի և աջակցության խոսքերը փոխանցել զոհվածների հարազատներին ու մերձավորներին եւ շուտափույթ ապաքինման մաղթանքը` բնական այս աղետից բոլոր տուժածներին: -0-