Հայաստանում հուլիսին հունիսի համեմատ 0,8 տոկոսի գնանկում է գրանցվել. վիճակագրություն

ԵՐԵՎԱՆ, 30 հուլիսի. /Նովոստի-Արմենիա/. Հայաստանում գնանկումը հուլիսին հունիսի համեմատ կազմել է 0,8 տոկոս, «Նովոստի-Արմենիա» գործակալությանը հայտնեցին ՀՀ Ազգային վիճակագրության ծառայությունից:

Հուլիսին հունիսի համեմատ պարենային ապրանքների (ներառյալ ոգելից խմիչքները և ծխախոտը) գները նվազել են 1,5 տոկոսով, ոչ պարենային ապրանքների գները՝ 0,4 տոկոսով, իսկ ծառայությունների ոլորտի սակագներն ավելացել են 0,2 տոկոսով:

2009 թվականի դեկտեմբերի համեմատ սպառողական գների ինդեքսը կազմել է 103,7 տոկոս, ընդ որում պարենային ապրանքների գների ինդեքսը (ներառյալ ոգելից խմիչքները և ծխախոտը) կազմել է 104,1 տոկոս, ոչ պարենային ապրանքների գների ինդեքսը՝ 102,6 տոկոս, իսկ ծառայությունների ոլորտի սակագների ինդեքսը՝ 103,5 տոկոս։

Միաժամանակ հուլիսին, 2009 թ.-ի հուլիսի համեմատ, սպառողական գների ինդեքսը կազմել է 107,8 տոկոս:

Միաժամանակ հաշվետու ժամանակահատվածում պարենային ապրանքների (ներառյալ ոգելից խմիչքները և ծխախոտը)  գներն աճել են 8,9 տոկոսով, ոչ պարենային ապրանքների գները՝ 7,4 տոկոսով, ծառայությունների ոլորտի սակագները՝ 6,3 տոկոսով, իսկ հունվար-հուլիսին, 2009 թ.-ի նույն ժամանակահատվածի համեմատ՝ համապատասխանաբար 107,4, 105,6, 112,5 և 108,1 տոկոս:

Պետբյուջեի համաձայն՝ 2010 թ.-ի վերջին Հայաստանում գնաճը ծրագրված է 4 տոկոսի մակարդակում ((±1,5%):-0-