Վիզային ռեժիմի դյուրացման շուրջ Հայաստան-ԵՄ բանակցությունները կարող են սկսվել տարեվերջին

ԵՐԵՎԱՆ, 7 հուլիսի. /Նովոստի-Արմենիա/. Վիզային ռեժիմի դյուրացման և ռեադմիսիայի համաձայնագրերի շուրջ Հայաստան-ԵՄ բանակցությունները կարող են սկսվել տարեվերջին, ասել է Եվրոպական հանձնաժողովի արտաքին հարաբերությունների գլխավոր տնօրինության Հարավային Կովկասի, Ուկրաինայի, Մոլդովայի և Բելառուսի հարցերով ստորաբաժանման ղեկավար Ջոն Կյաերը ՀՀ ԱԳ նախարար Էդվարդ Նալբանդյանի հետ հանդիպման ժամանակ:

Կյաերը Հայաստան է ժամանել արդարադատության, ազատության և անվտանգության հարցերով  ՀՀ-ԵՄ Համագործակցության ենթակոմիտեի առաջին նիստին մասնակցելու նպատակով: Ինչպես հաղորդում է ՀՀ ԱԳՆ մամուլի ծառայությունը, նախօրեին տեղի ունեցած հանդիպման ընթացքում Կյաերը դրական է գնահատեց արդարադատության, ազատության և անվտանգության հարցերով  ՀՀ-ԵՄ Համագործակցության ենթակոմիտեի առաջին նիստի արդյունքները:

Կողմերը քննարկել են Ասոցացման համաձայնագրի բանակցությունների նախապատրաստական աշխատանքները: 

Էդվարդ Նալբանդյանը հաստատել է Հայաստանի պատրաստակամությունը հուլիսի 19-ին ԵՄ-ի հետ Ասոցացման համաձայնագրի բանակցությունների մեկնարկին, ինչպես նաև վիզային ռեժիմի դյուրացման համաձայնագրի շուրջ:-0-