Դելփյան խաղերի մասնակիցները Երևանում քննարկել են հասարակության մեջ արվեստի դերի վերաբերյալ հարցեր

Վեցերորդ երիտասարդական Դելփյան խաղերի մասնակիցների պատվիրակությունները Երևանում քննարկել են ժամանակակից հասարակության մեջ արվեստի և մշակույթի տեղի և դերի վերաբերյալ հարցերը, «Նովոստի-Արմենիա» գործակալությանը հաղորդեցին ՀՀ դելփյան կոմիտեի մամուլի կետրոնից։

6-րդ երիտասարդական Դելփյան խաղերն անցկացվում են Երևանում՝  ՀՀ կառավարության, մշակույթի նախարարության և ԱՊՀ մասնակից պետությունների հումանիտար համագործակցության միջպետական հիմնադրամի աջակցությամբ։ Խաղերին մասնակցում են 10-25 տարեկան ավելի քան 500 երիտասարդ արվեստի գործիչներ՝ Հայաստանից, Բելառուսից, Վրաստանից, Ղազախստանից, Ղրղզստանից, Լատվիայից, Մոլդովայից, Ռուսաստանից, Տաջիկստանից, Ուզբեկստանից, Ուկրաինայից և Էստոնիայից։

6-րդ երիտասարդական Դելփյան խաղերի ձևաչափում կայացած  ԱՊՀ երկրների միջազգային գիտագործնական ասուլիսի փորձագետների կողմից երկու թեմա է քննարկվել՝ «Ճգնաժամային պատմական իրավիճակներում հասարակության արժեքների համակարգը» և «Արվեստի և մշակույթի միջոցով նշանակալից հասարակական արժեքների ժողովրդականացման կիրառումն ու փորձը»։

Ասուլիսն անցել է Հայաստանում Ռոսսոտրուդնիչեստվո ներկայացուցչության ղեկավար, Հայաստանում Ռուսաստանի դեսպանատան խորհրդատու Վիկտոր Կրիվոպուսկովի գլխավորությամբ։

Ինչպես հաղորդեցին Հայաստանի Դելփյան կոմիտերի մամուլի կենտրոնից, նույն օրը Խաղի մասնակիցները համերգներով հանդես են եկել Հայաստանի բոլոր տասը մարզերում և այցելել են հանրապետության մշակութապատմական կենտրոնները։

Այսօրվա դրությամբ միջազգային դելփյան շարժմանը 63 երկիր է մասնակցում։ Գլխավոր կազմակերպությունը համարվում է 2003թ.-ին Մոսկվայում ստեղծված Միջազգային Դելփյան կոմիտեն։ -0-