Ուսուցչի օրը պաշտոնապես Հայաստանում կնշվի հոկտեմբերի 5-ին

ՀՀ կառավարությունը հինգշաբթի դրական եզրակացություն է տվել օրենսդրական նախաձեռնությանը, որի համաձայն Ուսուցչի օրը հանրապետությունում պաշտոնապես կնշվի հոկտեմբերի 5-ին։

«Հայաստանում Ուսուցչի օրը մինչև հիմա նշվել է հոկտեմբերի առաջին կիրակի օրը, և խորհրդարանի կողմից առաջարկված փոփոխությունների ընդունման դեպքում  հոկտեմբերի 5-ը կնշվի որպես ուսուցիչների և դաստիարակների պրոֆեսիոնալ օր, որը կներառվի պետական տոների թվում»,- կառավարության նիստի ժամանակ ասաց ՀՀ կրթության և գիտության նախարար Արմեն Աշոտյանը։

Ամեն տարի հոկտեմբերի 5-ին ավելի քան 100 երկրում նշվում է ուսուցչի օրը, որը 1994թ.-ին հաստատվել է որպես Ուսուցիչների համաշխարհային օր (World Teaches' Day)։Սա բոլոր ուսուցիչների, դաստիարակների և կրթության ոլորտի աշխատակիցների  պրոֆեսիոնալ տոնն է՝ օր, երբ որակյալ կրթության գործընթացի բոլոր մակարդակներում նշվում է ուսուցիչների դերը, ինչպես նաև հասարակության զարգացման մեջ նրանց անգնահատելի ներդրումը։

Ուսուցչի օր հաստատելու համար պատմական նախադրյալ է դարձել 1996թ.-ի հոկտեմբերի 5-ին Փարիզում Ուսուցիչների կարգավիճակի մասին հատուկ միջկառավարական խորհրդաժողովը (Special Intergovernmental Conference on the Status of Teachers)։ -0-