Հայաստանում տնտեսական աճը հունվար-մայիսին կազմել է 8,8 տոկոս

Օպերատիվ վիճակագրական տվյալների համաձայն` Հայաստանում ՀՆԱ-ի ծավալը հունվար-մայիսին ավելացել է 8,8 տոկոսով` 2009 թ.-ի հունվար-մայիսի համեմատ: Ինչպես «Նովոստի-Արմենիա» գործակալությանը տեղեկացրեցին ՀՀ վիճակագրության ազգային ծառայությունից, ՀՆԱ-ի ծավալը կազմել է 1016,8 միլիարդ դրամ (2,7 միլիարդ դոլար):

Վիճակագրական տվյալների համաձայն` առաջին հինգ ամսվա ընթացքում, նախորդ տարվա նույն ժամանակահատվածի համեմատ, գրանցվել է սպառողական գների 7,6 տոկոս աճ: Միաժամանակ հունվար-մայիսին, 2009 թ.-ի դեկտեմբերի համեմատ, ապահովվել է այս ցուցանիշի 5,3 տոկոսանոց աճ:

Հայաստանում արդյունաբերական արտադրանք արտադրողների գները հաշվետու ժամանակահատվածում ավելացել են 34,9 տոկոսով` 2009 թ.-ի նույն ժամանակահատվածի համեմատ:

Հաշվետու ժամանակահատվածում արտադրվել է 305,1 միլիարդ դրամի (շուրջ 820 միլիարդ դոլար) արդյունաբերական արտադրանք, ինչը 12,1 տոկոսով ավելի է նախորդ տարվա նույն ցուցանիշից:

Հայաստանում արտաքին առևտրաշրջանառության ծավալը հունվար-մայիս ամիսների արդյունքում կազմել է 1776 միլիոն ԱՄՆ դոլարի (686,6 միլիարդ դրամ)` 2009 թ.-ի նույն ժամանակահատվածի համեմատ ավելանալով 34,5 տոկոսով:

Պետբյուջեի համաձայն` Հայաստանում 2010 թ.-ին ՀՆԱ-ի աճը նախատեսված է 1,2 տոկոսի սահմաններում:-0-