Ղարաբաղյան հակամարտությանը կրոնական բնույթ հաղորդելու Բաքվի փորձերն անթույլատրելի են. Սարգսյան

ՀՀ նախագահ Սերժ Սարսգյանը անթույրատելի է համարում ղարաբաղյան հակամարտությանը կրոնական բնույթ հաղորդելու Ադրբեջանի փորձեր,ը հաղորդում է ՀՀ նախագահի մամուլի ծառայությունը:

 «Ընդունելով Քաթարի պետության դեսպան Իբրահիմ Աբդ Ալ-Ռահման Ալ-Մուղայսիբիի հավատարմագրերը՝ ՀՀ նախագահն ափսոսանք է հայտնել, որ որոշ իսլամական երկրներ հաճախ աջակցում են այդ փորձերին»,- նշեցին մամուլի ծառայությունից:

Դեսպանն իր հերթին ասել է, որ Քաթարը պաշտպանում է ԼՂ խնդիրը բացառապես խաղաղ միջոցներով լուծելու մոտեցումը և չի կարծում, թե այս հակամարտությունը կրոնական հիմք ունի:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-