Ղարաբաղի շուրջ որևէ սակարկություն չի կարող լինել. Ռեշետնիկով

Ռազմավարական հետազոտությունների ռուսական ինստիտուտի տնօրեն Լեոնիդ Ռեշետնիկովը կարծում է, որ Ղարաբաղի շուրջ որևէ սակարկություն չի կարող լինել:

«Սկզբունքորեն մենք ոչինչ չենք փոխում: Ես ուզում եմ ասել, որ Ադրբեջանի հետ նախագծերը կարևոր են, պետքական, սակայն դրանք արմատական չեն, առանց որոնց Ռուսաստանը չի կարող ապրել և նույնիսկ առանց Թուրքիայի հետ նախագծերի: Մենք կարող ենք, և մենք շահագրգռված չենք, որպեսզի մեր բոլոր հոսքերը ընթանան մեկ երկրի միջով, որը դառնում է մենաշնորհ, ինչպես դա եղավ Ուկրաինայի դեպքում: Ինչու՞ մենք ուղղությունը թեքեցինք դեպի Թուրքիա, որովհետև Ուկրաինան նախկին ռեժիմների դեպքում սկսեց պարզապես շանտաժի ենթարկել Ռուսաստանին, քանի որ նա մեր գազի, որոշ իմաստով նաև նավթի միակ տարանցիկ երկիրն է: Այդ պատճառով ոչ մի սակարկություն չի կարող լինել», - ասել է Ռեշետնիկովը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-