ՀԿԵ-ն մեկ ամսով հետաձգել է Երևան-Բաթումի-Երևան երթուղով «Հայաստան» գնացքի գործարկումը

«Հարավկովկասյան երկաթուղի» ՓԲԸ-ն մեկ ամսով հետաձգել է Երևան-Բաթումի-Երևան ամենօրյա երթուղով «Հայաստան» գնացքի գործարկումը, գնացքը կսկսի գործել հուլիսի 3-ից՝ նախատեսված հունիսի 3-ի փոխարեն, հաղորդում է ՀԿԵ մամուլի ծառայությունը:

«Ուղևորահոսքի բացակայության կապակցությամբ, ինչը կապված է Սևծովյան ափին եղանակային անբարենպաստ պայմանների հետ, ՀԿԵ ՓԲԸ-ն փոփոխություններ է մտցրել Երևան-Բաթումի-Երևան գնացքի ժամակացույցում»,- ասվում է ընկերության հաղորդագրությունում:

Մասնավորապես, Երևան-Բաթումի-Երևան ուղղությամբ նախատեսված ամենօրյա գնացքի փոխարեն շաբաթը երկու անգամ՝ երեքշաբթի և ուրբաթ, կերթևեկի նոր պարկի վագոններից բաղկացած գնացքը:

Ընդ որում «Հայասատան» ամենօրյա արագ ֆիրմային գնացքի գործարկումից հետո հուլիսի 3-ից լրացուցիչ գնացքներ ու կազմեր կավելացվեն           կախված ուղևորահոսքից:

ՀԿԵ-ն ծրագրել էր Երևան-Բաթումի-Երևան ամենօրյա երկաթուղային հաղորդակցություն գործարկել հունիսի 3-ից, որի համար նախնական վաճառք էր նախատեսվել: Ծրագրվել է, որ Երևանի և Բաթումիի միջև գնացքները ողջ ամառ կերթևեկեն ամեն օր, ինչը պայմանավորված է վրացական սևծովյան հանգստավայրերում  Հայաստանի բնակչության ակտիվ հանգստով:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--