Երևանում մայիսի 14-16-ը, Պատկերապատումների երկրորդ միջազգային փառատոնի շրջանակներում, երիտասարդ տաղանդների մրցույթ է անցկացվում, ուրբաթ փառատոնի բացման ժամանակ ասաց Ագատա Բադալյանը, ով Պատկերապատումների զարգացման միության (ABPD) անդամ է և փառատոնի կազմակերպիչներից մեկը:
«Մրցույթը կանցկացվի երեք անվանակարգում՝ լավագույն մանկական պատկերապատում, լավագույն պատկերապատում մեծերի համար, ABPD ղեկավար Ժան Մարդիկյանի հատուկ մրցանակ»,- ասաց Բադալյանը:
Մրցութային ծրագրին մասնակցում են Հայաստանից շուրջ 30 երիտասարդ վարպետների աշխատանքներ և մասնակացության միակ պայմանը պատկերապատումը մեկ էջի վրա ներկայացնելն է:
Բադալյանն ավելացրեց, որ երիտասարդ հաղթողները նաև հնարավորություն կստանան իրենց գործերը տպագրել հայկական «Լոլո» և «Ջոկեր» պատկերապատումների ամսագրերում:
ՀՀ մշակույթի նախարար Հասմիկ Պողոսյանն իր երախտագիտությունն է հայտնել փառատոնի կազմակերպիչներին երիտասարդներին մրցույթին մասնակցելու հնարավորություն տալու համար:
«Ուզում եմ իր գոհունակությունը հայտնել երկու պատճառով՝ առաջին հերթին, փառատոնը մեր երիտասարդ տաղանդներին թույլ կտա արվեստի այս տեսակի ավանդույթների կրողները դառնալ, իսկ երկրորդ հերթին, ես ուրախ եմ ողջունել բոլոր մասնակիցներին, ովքեր ժամանել են Հայաստան, որոնց համար կարծում եմ, Հայաստանը ոգեշնչման նոր աղբյուր կդառնա»,- ասաց Պողոսյանը:
Պատկերապատումների երկրորդ փառատոնը, որին մասնակցում են տարբեր երկրներից պատկերապատումների շուրջ 20 հեղինակներ, բացվել է ուրբաթ Երևանում և կտևի մինչև մայիսի 16-ը:
Պատկերապատումների առաջին միջազգային փառատոնը, որը կազմակերպվել էր ՀՀ Պատկերապատումների զարգացման միության կողմից, անցկացվել է 2008թ.-ին Երևանում: Փառատոնին մասնակցել են պատկերապատումների հայտնի հեղինակներ, մասնավորապես՝ Շառլ Բերբերյանը, Ֆրանկ Մերժերինը, Ֆարիդ Բուջելալը, Ֆլորանս Սեստաժը, Ժան-Կլոդ Դենին, Ֆիլիպ Կարակասյանը և Ժերալդ Գորիջը: -0-
