ԵՐԵՎԱՆ, 12 մայիսի./Նովոստի-Արմենիա/. «Եվրոպական հարևանության» քաղաքականությունը խաղ է, որից բոլոր մասնակիցները հաղթանակած են դուրս գալիս, չորեքշաբթի Բրյուսելում ծրագրի արդյունքների մասին ամենամսյա զեկույցում ասաց ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեն:
««Եվրոպական հարևանության» քաղաքականության հետագա հզորացումը կարևոր է ԵՄ կայունության և բարեկեցության համար, և այն պետք է արտացոլված լինի մեր կողմից մեր գործընկերների ներկայացվող առաջարկներում»,- Ֆյուլեի խոսքերը մեջբերեցին Հայաստանում ԵՄ պատվիրակության մամուլի ծառայությունից:
Ըստ նրա՝ տնտեսական բարեփոխումների զգալի առաջընթաց է արձանագրվել ԵՄ հարևանների շրջանում՝ թե Արևելքում, թե Հարավում: Դրա հետ մեկտեղ Ֆյուլեն ընդգծել է ժողովրդավարական և քաղաքական այն բարեփոխումների կարևորությունը, որտեսղ արձանագրվել է «իրական, սակայն ընդհանուր առմամբ ավելի դանդաղ առաջընթաց»:
«Մենք ցանկանում ենք, որ մեր հարևանները սատարեն աշխարհի այլ՝ մեզանից պակաս բարենպաստ վիճակում գտնվող պայմաններում նույնպես խաղաղություն և անվտանգություն հաստատելու մեր ջանքերը»,- իր հերթին ասաց արտաքին հարաբերությունների և անվտանգության քաղաքականության հարցերով ԵՄ բարձր ներկայացուցիչ Քեթրին Էշթոնը:
