Շանսի նահանգում ՀՀ նախագահը հայ-չինական կաուչուկի գործարան է բացել
Հայաստանի նախագահ Սերժ Սարգսյանը Չինաստան կատարած այցի ընթացքում Շանսի նահանգի Դաթուն քաղաքում մայիսի 3-ին ներկա է գտնվել հայ-չինական տնտեսական համագործակցության ամենախոշոր նախագծերից մեկի` քլորոպրենային կաուչուկի արտադրության «Շանսի-Նաիրիտ» համատեղ ձեռնարկության բացման հանդիսավոր արարողությանը, երեքշաբթի հաղորդում է պետության ղեկավարի մամուլի ծառայությունը։
Ապրիլի 29-ին հայկական պետության ղեկավարը մեկնել է ՉԺՀ Շանհայ քաղաքում Էքսպո-2010 համաշխարհային ցուցահանդեսին մասնակցելու համար։
«Շանսի-Նաիրիտ» համատեղ ձեռնարկությունը ստեղծվել է «Շանսիի սինթետիկ կաուչուկների խմբային բաժնետիրական ընկերության» (ՉԺՀ) և «Նաիրիտ» ՓԲԸ (ՀՀ) միջև 2003թ. կնքված պայմանագրի հիման վրա: «Շանսի-Նաիրիտում» հայկական կողմի բաժնեմասը կազմում է 40 %:
ՀՀ նախագահը հանդիպել է նաև Շանսիի նահանգապետ Վան Ցզյունին: Քննարկվել են այս նահանգի հետ համագործակցության ընդլայնման հեռանկարներին առնչվող հարցեր: -0-
